08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
ԵՄ-ն ու Ադրբեջանը էներգետիկ անվտանգության համաձայնագիր են ստորագրել
Քաղաքականություն
18.07.2022 | 18:14
Ադրբեջանն ու ԵՄ էներգետիկ անվտանգության համաձայնագիր են ստորագրել, հայտնում են ադրբեջանական լրատվամիջոցները։ Նշվում է, որ փաստաթուղթը ստորագրել են Բաքու մեկնած Եվրահանձնաժողովի նախագահ Ուրսուլա Ֆոն դեր Լեյենը և Ադրբեջանի նախագահ Իլհամ Ալիևը։
Այսպիսով՝ ԵՄ փորձում է նվազեցնել ռուսական գազից կախվածությունը՝ մեծացնելով Հարավային գազային միջանցքի դերը Եվրոպայի հարավարևելյան երկրներ բնական գազի մատակարարման դիվերսիֆիկացիայի գործում։
Փաստացի այս համաձայնագիրը հակասում է փետրվարի 22-ին ՌԴ-ի ու Ադրբեջանի միջև կնքված դաշնակցային համագործակցության մասին հռչակագրին։ Մասնավորապես, Մոսկվայի հռչակագրի 25-րդ կետի համաձայն՝ Ռուսաստանի Դաշնությունը և Ադրբեջանի Հանրապետությունը զերծ են մնալու մյուս կողմի շահերին ուղղակի կամ անուղղակի վնաս պատճառող ցանկացած տնտեսական գործունեություն իրականացնելուց:
Էմմա Չոբանյան
