22.04.2026 | 17:33
Գրոսմայստեր Արամ Հակոբյանը երրորդ տեղն է գրավել միջազգային մրցաշարում
Disney-ը Թուրքիայում իր աշխատակիցներին զգուշացրել է զերծ մնալ իշխանությունների համար զգայուն թեմաներից, այդ թվում՝ Հայոց ցեղասպանության
Քաղաքականություն
14.07.2022 | 23:30
Disney+-ը, որն անցյալ ամիս է Թուրքիայում աշխատանքները մեկնարկել, զգուշացրել է թուրքերեն թարգմանիչներին Թուրքիայում տիրող քաղաքական մթնոլորտի մասին՝ հորդորելով զերծ մնալ վիճելի հարցերի շրջանակից, որոնց նկատմամբ կառավարությունը և նախագահ Ռեջեփ Թայիփ Էրդողանը զգայուն են, գրում են թուրքական լրատվամիջոցները։
Disney+-ը՝ Walt Disney Company-ի աառաջատար հոսքային հարթակն է , թուրք դիտողներին առաջարկում է ավելի քան 1000 ֆիլմ ու 400 շոուների 16,000 էպիզոդներ ու 170 վավերագրական ֆիլմեր և բացառիկ բովանդակության հավաքածուներ հունիսի 14-ից սկսած։
Մինչ հեռարձակումը սկսելը, առցանց հոսքային հարթակը գրասենյակ է բացել Թուրքիայում՝ համաձայն սոցիալական մեդիայի օրենքի, որն ուժի մեջ է մտել 2020 թվականի հոկտեմբերի 1-ից՝ սահմանելով պատժամիջոցներ, ստիպելով օրական 1 միլիոնից ավելի կապեր ունեցող սոցիալական մեդիա հարթակներին նշանակել ներկայացուցչի Թուրքիայում, որի հետ թուրքական իշխանությունները կարող են զբաղվել չարաշահման, ահաբեկման և գաղտնիության խախտման դեպքերով։
Disney+-ի վարչակազմն էլեկտրոնային նամակ է ուղարկել իր թուրք թարգմանիչներին՝ զգուշացնելու նրանց երկրում տիրող քաղաքական մթնոլորտի մասին՝ կապված որոշ արտադրությունների հետ, որոնք ներառում են կրոնական, ազգային և քաղաքական հղումներ:
Թարգմանիչներին խնդրել են տեղեկացնել հարթակի Թուրքիայի ադմինիստրատորներին այն արտադրանքի մասին, որոնք կապ ունեն իսլամի համար կարևորագույն հարցերին, Հայոց ցեղասպանությանը, որը Թուրքիան չի ճանաչում, Քրդական հարցին, Կիպրոսի խնդիրը և ԼԳԲՏԻ+-ները ու այլ թեմաներ, որոնց շուրջ Էրդողանը և նրա «Արդարություն և զարգացում» կուսակցության կառավարությունը զգայուն են։
Էլեկտրոնային նամակով նաև թարգմանիչներին խնդրել են տեղեկացնել ադմինիստրատորներին այն արտադրանքի մասին, որում Էրդողանը բռնապետի է նման։ Հարթակից լրատվամիջոցներին չեն պատասխանել մեկնաբանությունների համար։
Էմմա Չոբանյան
