06.11.2024 | 19:28
ՀՀ գլխավոր դատախազը Հաագայում հանդիպել է Եվրաջասթի նախագահի հետ
Թուրքական Մուղլայում խոշոր անտառային հրդեհներ են․ ԼՈւՍԱՆԿԱՐՆԵՐ
Քաղաքականություն
13.07.2022 | 20:01
Թուրքիայի Մուղլա նահանգում անտառային հրդեհներ են բռկվել, հայտնում են թուրքական լրատվամիջոցները։ Նշվում է, որ քամու պատճառով հրդեհը կարճ ժամանակում տարածվել է։
Գյուղատնտեսության և անտառային տնտեսության փոխնախարար Վեյսել Տիրյակին հայտարարել է, որ 7 ինքնաթիռով, 14 ուղղաթիռով, 96 շինարարական մեքենայով, որոնցից 75-ը ջրի բաքեր են, և 400 անձնակազմով հանգցնում են հրդեհը։
Նշվում է, որ Մեսուդիե շրջանի որոշ բնակավայրերում, որտեղ կրակը մոտեցել է, հրշեջները նախազգուշական միջոցներ են ձեռնարկել։ Մարմարիս-Դատչա ավտոճանապարհին բռնկված հրդեհի պատճառով երթևեկությունն իրականացվում է վերահսկվող կարգով։ Հաղորդվում է, որ նույնիսկ ճանապարհին հրշեջ մեքենա է վթարվել ու շրջվել։
Հրեհաշիջման աշխատանքները շարունակվում են։ Հավելենք, որ Մուղլան նախորդ տարի Թուրքիայում բռնկված խոշոր անտառային հրդեհներից ամենատուժած նահանգներից է։
Էմմա Չոբանյան
