25.03.2026 | 16:24
Վարչապետը շնորհավորական ուղերձ է հղել Հունաստանի վարչապետին
Հայաստանի աղետներին պատրաստվածության կարողությունների գնահատում. ԱԻՆ-ում հյուրընկալվել է ԱՄՆ Եվրոպական հրամանատարության թիմը
12.07.2022 | 18:18
Այսօր՝ հուլիսի 12-ին, Արտակարգ իրավիճակների նախարարությունում տեղի է ունեցել հանդիպում-քննարկում ԱԻՆ տարբեր ստորաբաժանումների ղեկավարների և ԱՄՆ Եվրոպական հրամանատարության Աղետներին պատրաստվածության կարողությունների գնահատման թիմի անդամների մասնակցությամբ․ տեղեկացնում են ՀՀ ԱԻՆ-ից։
«Հանդիպում-քննարկումը վարել է ՓԾ տնօրենի տեղակալ, փ/ծ գնդապետ Տիգրան Պետրոսյանը:
Թիմի այցի նպատակն է արտակարգ իրավիճակների պատրաստվածության ռազմաքաղաքացիական ծրագրի շրջանակներում անցկացնել համապետական մակարդակի աղետների պատրաստվածության գնահատում:
Թիմի առաջին այցն Արտակարգ իրավիճակների նախարարություն տեղի էր ունեցել 2019 թվականին: 3 տարի անց թիմը կրկին Հայաստանում է՝ վերանայելու և լրացումներ կատարելու նախորդ հանդիպման ժամանակ կազմված գնահատման զեկույցում:
Հանդիպման ժամանակ կողմերը քննարկել են ԱԻՆ-ի դերն ամեն տեսակի վտանգների ժամանակ, ինչպես նաև պատրաստվածության պլանավորման և արձագանքման այլ հարցեր»,- ասված է հաղորդագրությունում։
