08.06.2026 | 22:58
Հայտնի է նոր Ազգային ժողովի առաջին նիստի օրը
Աթենքը պահանջում է դատապարտում․ Էրդողանի կոալիցիոն գործընկերը ցուցադրել է քարտեզ, որում Հունաստանի կղզիները ներկայացվում են որպես թուրքական
Քաղաքականություն
11.07.2022 | 16:39
Թուրքիայի «Ազգայնական շարժում» կուսակցության նախագահ Դևլեթ Բահչելին, որը նախագահ Ռեջեփ Թայիփ Էրդողանի կառավարության կոալիցիոն գործընկերն է, ցուցադրել է քարտեզ, որում Հունաստանի կղզիները ներկայացված են որպես թուրքական, գրում են տեղական լրատվամիջոցները։
Կուսակցության երիտասարդական կազմակերության՝ ուլտրաազգայնական «Գորշ գայլերի կրթության և մշակույթի հիմնադրամի» նախագահ Յիղիթ Յըլդըրըմը Բահչելիին է նվիրել քարտեզը կազմակերպության կենտրոնակայան այցի ժամանակ։
«Մենք մեր առաջնորդին ներկայացրինք մեր աշխատանքը, որը կոչվում է «Մեր ազգային երդումը ծովերում»»,- գրել է Յըլդըրըմը սոցցանցի էջերում։
Քարտեզում Միջերկրական և Էգեյան ծովերի մի շարք հունական կղզիներ, այդ թվում՝ Կրետեն, ներկայացվում են որպես թուրքական և պատված են Թուրքիայի դրոշով։
Պաշտոնական Աթենքն արդեն արձագանքել է ստեղծված իրավիճակին։ Մասնավորապես, Հունաստանի դիվանագիտական աղբյուրը Kathimerini-ին ասել է, որ այն հատկապես ագրեսիվ և սադրիչ գործողություն է, որը լիովին դատապարտելի է։
Աղբյուրը նշել է, որ «դա թուրքական ծայրահեղ հռետորաբանության էսկալացիայի մի մասն է, որի ականատեսն են լինում ամեն օր»։
«Հունաստանն ակնկալում է այդ անընդունելի գործողության անհապաղ և հրապարակային դատապարտում, որը կասկածի տակ է դնում Հունաստանի տարածքային ամբողջականությունը»,- ասել է դիվանագիտական աղբյուրը։
Էմմա Չոբանյան
