19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
ԱՀԿ-ն հայտնել է կապիկի ծաղիկից մահվան 2 նոր դեպքի մասին
Քաղաքականություն
07.07.2022 | 16:44
Առողջապահության համաշխարհային կազմակերպությունը մահվան երկու նոր դեպք է հայտնաբերել կապիկի ծաղիկից։ Այս մասին հայտնել է Reuters-ը՝ վկայակոչելով ԱՀԿ-ի զեկույցը։
«Հունիսի 27-ին հիվանդության բռնկման նախորդ լուրերի հրապարակումից ի վեր գրանցվել է 2614 նոր դեպք (աճը՝ 77%) և մահվան երկու նոր դեպք»,- ասվում է զեկույցում։
Առողջապահության համաշխարհային կազմակերպության տվյալներով՝ տարեսկզբից կապիկի ծաղիկից մահերի ընդհանուր թիվը հասել է երեքի։ Բոլոր երեք մահերը գրանցվել են Աֆրիկայում:
Մինչդեռ ԱՀԿ-ն կապիկի ծաղիկի դեմ բնակչության զանգվածային պատվաստումների անհրաժեշտություն չի տեսնում։ Կազմակերպությունը կարծում է, որ հիգիենան և անվտանգ սեռական վարքագիծը կօգնեն վերահսկել հիվանդության տարածումը։
Տաթև Ֆռանգյան
