03.04.2026 | 17:37
ԱԱ-2026-ի ֆավորիտները՝ ըստ Goal.com-ի
Հակառակորդն օգտագործել է խոշոր տրամաչափի հրաձգային զինատեսակներ․ ՊՆ-ն՝ Խաչիկ գյուղի միջադեպի մասին
05.07.2022 | 12:59
Արդեն հայտնել էինք, որ հակառակորդը երեկ երեկոյան կրակոցներ է արձակել Վայոց ձորի մարզի Խաչիկ գյուղի հատվածում։ պաշտպանության նախարարությունը հաղորդագրություն է տարածել՝ մանրամասներ հայտնելով միջադեպից:
«Հուլիսի 4-ին, ժամը 21։15-ի սահմաններում, Ադրբեջանի ԶՈՒ ստորաբաժանումները, տարբեր, այդ թվում նաև խոշոր տրամաչափի հրաձգային զինատեսակներից կրակ են բացել հայ-ադրբեջանական սահմանի արևմտյան, մասնավորապես՝ Վայոց ձորի մարզի Խաչիկ գյուղի հատվածում տեղակայված հայկական մարտական դիրքերի, ինչպես նաև դեպի գյուղ տանող ճանապարհի ուղղությամբ, ինչի հետևանքով վնասվել է համայնքի ղեկավարի ավտոմեքենան։
Հայկական կողմի պատասխան գործողություններով ադրբեջանական ստորաբաժանումների կրակը լռեցվել է։ Հայկական կողմից տուժածներ չկան»,- ասված է պաշտպանական գերատեսչության հաղորդագրության մեջ։
