19.12.2025 | 11:36
Ադրբեջանից Հայաստան ուղարկվող բենզինի առաջին խմբաքանակն Աղստաֆայից ուղղվել է Վրաստան. ՏԵՍԱՆՅՈՒԹ
Ուկրաինան կվերադարձնի օկուպացված տարածքները մարտավարության և նոր զենքի շնորհիվ․ Զելենսկի
Քաղաքականություն
04.07.2022 | 13:43
Ուկրաինայի նախագահ Վլադիմիր Զելենսկին հերթական տեսաուղերձում մեկնաբանել է ռուս զինվորականների կողմից Լուգանսկի շրջանի գրավումը, ինչի մասին հայտարարել էր ՌԴ պաշտպանության նախարար Սերգեյ Շոյգուն։
Զելենսկու խոսքով՝ ուկրաինական բանակը կվերադարձնի ժամանակավոր օկուպացված տարածքները՝ շնորհիվ ռազմական մարտավարության և ժամանակակից սպառազինությունների մատակարարման ավելացման։
«Ուկրաինան ոչինչ չի տալիս, իսկ երբ ինչ-որ մեկը Մոսկվայում ինչ-որ բան է պատմում Լուգանսկի մարզի մասին, թող նրանք հիշեն իրենց զեկույցների ու փետրվարի 24-ից առաջ խոստացածի մասին։ Թող նրանք իրական գնահատեն, թե ինչ ունեն հիմա և ինչ է դա նրանց արժեցել»,- ասել է նա։
«Մենք խնայում ենք մեր մարտիկների, մեր մարդկանց կյանքերը։ Եվ եթե մեր բանակի հրամանատարությունը ռազմաճակատի որոշ հատվածներից մարդկանց տանում է, որտեղ թշնամին ունի առավելություն, մասնավորապես, դա վերաբերում է Լիսիչանսկին, ապա դա նշանակում է, որ մենք կվերադառնանք՝ շնորհիվ մեր ռազմավարության, շնորհիվ ժամանակակից զենքի մատակարարումերի ավելացման»,- ընդգծել է Ուկրաինայի առաջնորդը։
Տաթև Ֆռանգյան
