16.09.2026 | 21:56
Հնդկաստանի նորանշանակ դեսպանը իր հավատարմագրերի պատճենն է հանձնել Հայաստանի ԱԳՄԱ նախարարի տեղակալին
ՀՀ-ում խորհրդարանական մոդելի զարգացման համար ճանապարհ ունենք անցնելու․ ՄԻՊ
Քաղաքականություն
04.07.2022 | 11:25
«Կառավարման խորհրդարանական մոդելն անհրաժեշտ է զարգացնել, քանի որ այն իր մեջ ժողովրդավարական կառավարման մեծ պոտենցիալ ունի»,- այս մասին «Սահմանադրական փոփոխությունների անհրաժեշտությունը․ ո՞ւմ և ինչի համար են փոխվում գլխավոր կանոնները» թեմայով քննարկմանը նշեց ՀՀ մարդու իրավունքների պաշտպան, Սահմանադրաան բարեփոխումների խորհրդի անդամ Քրիստինե Գրիգորյանը:
«Կառավարման մոդելի հարցն, այսպես ասած, ամենաթոփ, ամենահետաքրքիր հարցն է, որ քննարկվում է սահմանադրական բարեփոխումների շրջանակներում։ Մենք որոշակի տրամադրություններ խորհրդում շոշափել ենք»,- նշեց ՄԻՊ-ը:
Նրա դիարկմամբ՝ նպատակահարմար է, որ պահպանվի երկրի կառավարման խորհրդարանական մոդելը: «Կարծում եմ՝ խորհրդարանական մոդելի զարգացման և հետագա կայացման համար մենք ճանապարհ ունենք անցնելու: Անհրաժեշտություն չեմ տեսնում կառավարման այլ մոդելի անցնելու »,- նշեց Գրիգորյանը՝ հավելելով, որ խորհրդարանական մոդելն ունի լրջագույն ժողովրդավարական կառավարման պոտենցիալ, ինչը, սակայն, հաճախ գիտակցված չէ մեր համակարգերում և մեր իրականությունում:
Մանրամասները՝ տեսանյութում:
