13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Գերմանիան հայտարարել է, որ ներկայում Թուրքիայի համար զենքի էմբարգո չկա
Քաղաքականություն
30.06.2022 | 21:29
Գերմանիայի կանցլեր Օլաֆ Շոլցը հայտարարել է, որ ներկայում Թուրքիայի համար սպառազինությունների արտահանման էմբարգո չկա։ Այս մասին գրում է DW-ի թուրքական ծառայությունը։
Հարցին՝ արդյո՞ք Գերմանիան կվերացնի զենքի արտահանման սահմանափակումները, որոնք սահմանվել էին Թուրքիայի նկատմամբ այն բանից հետո, երբ Անկարան «կանաչ լույս» վառեց ՆԱՏՕ-ին Ֆինլանդիայի և Շվեդիայի անդամակցության հայտերի հարցում, Շոլցը պատասխանել է, որ ներկայում որևէ էմբարգո չկա։
2019 թվականին Սիրիայում Թուրքիայի ռազմական գործողություններից հետո Գերմանիան հայտարարել էր, որ թույլ չի տա զենքի արտահանումը, որը կարող է օգտագործվել Սիրիայում։ Շվեդիան ու Ֆինլանդիան ևս Թուրքիա զենքի մատակարարման էմբարգո էին սահմանել՝ Սիրիա թուրքական ներխուժումից հետո։
Գերմանիայի կանցլերը նաև ասել է, որ ողջունում են Շվեդիայի ու Ֆինլանդիայի՝ ՆԱՏՕ-ին անդամակցելու դիմումը Թուրքիայի հետ ձեռք բերված համաձայնությունից հետո։
«Երկու երկրներն էլ շատ են համապատասխանում մեր դաշինքին»,- ասել է Շոլցը՝ նշելով, Գերմանիան կգործադրի ջանքերի իր բաժինը Արևելյան Եվրոպայի գործընկերների անվտանգության համար։
Էմմա Չոբանյան
