26.11.2024 | 10:37
Հզոր ցիկլոնի ներթափանցմամբ պայմանավորված՝ հանրապետության ողջ տարածքում սպասվում են տեղումներ
Ջո Բայդենը խոսել է պատերազմից առաջ Պուտինին ուղղված նախազգուշացման մասին
Քաղաքականություն
30.06.2022 | 22:22
ԱՄՆ նախագահ Ջո Բայդենը պատմել է, թե ինչպես է նախքան Ուկրաինա ռուսական ներխուժումը նախազգուշացրել նախագահ Վլադիմիր Պուտինին` հարձակման դեպքում ՆԱՏՕ-ի արձագանքի մասին, փոխանցում է Korrespondent-ը։
«Նույնիսկ պատերազմի սկսվելուց առաջ ես Պուտինին ասացի, որ եթե նա հարձակվի Ուկրաինայի վրա, ՆԱՏՕ-ն ոչ միայն կուժեղանա, այլև ավելի համախմբված կլինի, մենք կպաշտպանենք ժողովրդավարությունն աշխարհում, կկանգնենք ագրեսիայի դեմ և կպաշտպանենք կանոնների վրա հիմնված կարգը: Սա հենց այն է, ինչ մենք տեսնում ենք այսօր»,- ասել է ԱՄՆ նախագահը:
Նա ամփոփել է Մադրիդում ՆԱՏՕ-ի գագաթնաժողովի արդյունքները՝ նշելով, որ «խոսում է դաշինքի ամրապնդման մասին՝ դիմակայելու այսօրվա աշխարհի մարտահրավերներին և այն սպառնալիքներին, որոնց մենք կբախվենք ապագայում»։ Բայդենը հիշեցրել է, որ ՆԱՏՕ-ի վերջին ռազմավարական հայեցակարգն ընդունվել է 12 տարի առաջ, որում «Ռուսաստանը բնութագրվում էր որպես գործընկեր, իսկ Չինաստանը նույնիսկ չէր նշվում»։
«Աշխարհը փոխվել է, և ՆԱՏՕ-ն նույնպես փոխվում է: Մենք երկու նոր անդամների հրավիրեցինք՝ միանալ ՆԱՏՕ-ին: Դա պատմական գործողություն էր: Ֆինլանդիան և Շվեդիան, չեզոքության երկարատև ավանդույթներով, նախընտրեցին միանալ ՆԱՏՕ-ին։ Դա մեր պատասխանն է ռուսական ագրեսիային, և որպեսզի օգնենք Ուկրաինային՝ պաշտպանել ինքն իրեն»,- ասել է ԱՄՆ նախագահը։
Տաթև Ֆռանգյան
