18.12.2025 | 11:00
Կառավարության նիստը՝ ՈՒՂԻՂ
Ռուսաստանը շատ ծանր գին է վճարում Ուկրաինայի պատերազմի համար․ Ջո Բայդեն
Քաղաքականություն
30.06.2022 | 20:12
ԱՄՆ նախագահ Ջո Բայդենը խոստացել է աջակցել Ուկրաինային այնքան, որքան անհրաժեշտ է՝ նշելով, որ Ուկրաինայում պատերազմն արդեն իսկ վնաս է հասցրել Ռուսաստանին, գրում է CNN-ը։
«Տեսեք, թե ինչ ազդեցություն ունեցավ Ուկրաինայի դեմ պատերազմը Ռուսաստանի վրա: Նրանք ստիպված են եղել հրաժարվել իրենց պետական պարտքից՝ ավելի քան 100 տարվա ընթացքում առաջին անգամ: Նրանք կորցրել են տնտեսության առումով իրենց ձեռքբերումների 15 տարին: Նրանք դժվարություններ կունենան նավթի արդյունահանումը պահպանելու համար, քանի որ չունեն դա անելու տեխնոլոգիա: Եվ նրանք նույն իրավիճակում են գտնվում իրենց սպառազինության համակարգերի և որոշ ռազմական համակարգերի առումով։ Ուստի նրանք շատ, շատ ծանր գին են վճարում սրա համար»,- ասել է Բայդենը Մադրիդում ՆԱՏՕ-ի գագաթնաժողովի ամփոփիչ մամուլի ասուլիսում։
Նա խոստացել է, որ ԱՄՆ-ը և ՆԱՏՕ-ն «կմնան Ուկրաինայի հետ»։
«Ուկրաինան արդեն ծանր հարված է հասցրել Ռուսաստանին։ Նա փաստացի արդեն կորցրել է իր միջազգային վարկանիշը: Ռուսաստանը գտնվում է մի դիրքում, որտեղ ամբողջ աշխարհը նայում է և ասում. «Դուք փորձեցիք գրավել Կիևը, պարտվեցիք, փորձեցիք գրավել Դոնբասը և ամբողջը, դուք դեռ չեք արել դա»»,- ասել է Բայդենը։
Էմմա Չոբանյան
