06.11.2024 | 18:32
Հայաստանի արտաքին առևտրաշրջանառությունը հունվար-սեպտեմբերին կազմել է ավելի քան 23 մլրդ դոլար
Շվեդիան և Ֆինլանդիան հաջորդ երեքշաբթի կստորագրեն ՆԱՏՕ-ին անդամակցելու արձանագրությունը
Քաղաքականություն
30.06.2022 | 19:16
Շվեդիան և Ֆինլանդիան հաջորդ երեքշաբթի կստորագրեն ՆԱՏՕ-ին անդամակցելու արձանագրությունը՝ դաշինքին պաշտոնապես միանալու համար։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, փոխանցում է VOA-ն։
Նախօրեին ՆԱՏՕ-ի գագաթնաժողովում ԱՄՆ նախագահ Ջո Բայդենը ողջունել է Թուրքիայի կողմից Ֆինլանդիայի և Շվեդիայի հետ եռակողմ համաձայնագրի կնքումը, որը ճանապարհ հարթեց դաշնակիցների համար՝ հրավիրելու նրանց միանալ Հյուսիսատլանտյան դաշինքին։
Հիշեցնենք, որ Թուրքիան ի սկզբանե դեմ էր Շվեդիայի և Ֆինլանդիայի՝ ՆԱՏՕ-ին անդամակցելուն և պահանջում էր բավարարել մի շարք պայմաններ, մասնավորապես, արտահանձնել այն անձանց, ում Անկարան համարում է ահաբեկիչների հետ կապ ունեցող, և երաշխիքներ՝ զենքի մատակարարման սահմանափակումները հանելու համար։
Սկանդինավյան այս պետությունների՝ դաշինքին միանալու արձանագրությունը պետք է վավերացվի ՆԱՏՕ անդամ բոլոր 30 երկրների խորհրդարանների կողմից, որպեսզի Շվեդիան և Ֆինլանդիան նույնպես կարողանան օգտվել դաշինքի հավաքական պաշտպանության դրույթներից:
Նշվում է, որ ՆԱՏՕ-ին Շվեդիայի և Ֆինլանդիայի անդամակցության շնորհիվ դաշինքի անդամները կկարողանան վճռականություն դրսևորել Ռուսաստանի դեմ, որը ՆԱՏՕ-ն այժմ դիտարկում է ոչ թե որպես հնարավոր հակառակորդ, այլ որպես անվտանգության ուղղակի սպառնալիք։
Տաթև Ֆռանգյան
