06.11.2024 | 18:23
Թրամփի պաշտոնավարման երկրորդ ժամկետը սպառնալիք է մարդու իրավունքների համար ԱՄՆ-ում և աշխարհում․ HRW
Ուկրաինան խզել է դիվանագիտական հարաբերությունները Սիրիայի հետ
Քաղաքականություն
30.06.2022 | 18:18
Ուկրաինայի Արտաքին գործերի նախարարությունը հայտարարել է Սիրիայի հետ դիվանագիտական հարաբերությունները խզելու մասին՝ ռուսական բանակի կողմից օկուպացված Դոնբասի տարածքների «անկախությունը» ճանաչելու պատճառով։ Այս մասին գրում է ՈւՆԻԱՆ-ը։
ԱԳՆ հայտարարության մեջ նշվում է, որ Կիևը խստորեն դատապարտում է Սիրիայի Արաբական Հանրապետության որոշումը՝ ճանաչելու Ռուսաստանի կողմից օկուպացված, այսպես կոչված, Դոնբասի հատվածի «անկախությունը»։
«Մեր դիրքորոշումը պարզ է՝ մենք հնարավորինս կոշտ ենք արձագանքում Ուկրաինայի ինքնիշխանությունն ու տարածքային ամբողջականությունը խաթարելու և ազգային շահերը բոլոր հնարավոր միջոցներով, այդ թվում՝ դիվանագիտական ճակատում խարխլելու ցանկացած փորձի», – ասել է արտգործնախարար Դմիտրի Կուլեբան։
Հիշեցնենք, որ հունիսի 29-ին Սիրիան ճանաչել է ինքնահռչակ Դոնեցկի և Լուգանսկի ժողովրդական հանրապետությունների անկախությունը։ Սիրիայի ԱԳՆ-ն հայտնել է, որ շուտով դիվանագիտական հարաբերություններ կհաստատեն այս հանրապետությունների հետ։
Տաթև Ֆռանգյան
