08.06.2026 | 10:04
Ամփոփվել են 2005 ընտրատեղամասերից ստացված նախնական արդյունքները. ԿԸՀ
Ադրբեջանն Իսրայելի աջակցությամբ կիբերանվտանգության կենտրոն է ստեղծում
Քաղաքականություն
30.06.2022 | 22:35
Իսրայելը կօգնի Ադրբեջանին կիբերանվտանգության մասնագետների պատրաստման հարցում, գրում են ադրբեջանական լրատվամիջոցները։
Նշվում է, որ Ադրբեջանի թվային զարգացման և տրանսպորտի նախարար Ռաշադ Նաբիևի գլխավորած պատվիրակությունը գտնվում է Իսրայելում։ Այցի ընթացում համաձայնագիր է ստորագրվել Թվային զարգացման և տրանսպորտի նախարարությանն առընթեր Էլեկտրոնային անվտանգության ծառայության և իսրայելական հանրահայտ Technion համալսարանի միջև։
Ադրբեջանի կիբերանվտանգության կենտրոնը, որը, ըստ համաձայնագրի, գործունեությունը սկսելու է առաջիկա 3 տարիների ընթացքում, պատրաստելու է ավելի քան 1000 մասնագետի։ Ծրագրի շրջանակում ուսուցումն անցկացվելու է Բաքվում՝ Technion համալսարանի պրոֆեսորադասախոսական կազմի մասնակցությամբ։
Էմմա Չոբանյան
