03.04.2026 | 15:03
Թրմամիջոցներ տեղադրող երիտասարդը փախուստի դիմելիս ընկել է ջրատարը. ոստիկանները նախ փրկել են նրան, ապա ձերբակալել
ԱՄՆ-ը կհայտարարի Ուկրաինային 800 միլիոն դոլարի չափով լրացուցիչ ռազմական օգնության մասին․ Ջո Բայդեն
Քաղաքականություն
30.06.2022 | 18:00
ԱՄՆ-ն առաջիկա օրերին կհայտարարի Ուկրաինային 800 միլիոն դոլարի նոր «ռազմական օգնություն» տրամադրելու մասին, որը կներառի հակաօդային պաշտպանություն: US News-ի փոխանցմամբ՝ այս մասին նախագահ Ջո Բայդենն ասել է Մադրիդում ՆԱՏՕ-ի գագաթնաժողովի շրջանակում կայացած մամուլի ասուլիսում։
«Մենք պատրաստվում ենք աջակցել Ուկրաինային այնքան ժամանակ, որքան կպահանջվի։ Առաջիկա օրերին մենք նախատեսում ենք հայտարարել Ուկրաինային ավելի քան 800 միլիոն դոլար հատկացնելու մասին՝ ներառյալ առաջադեմ հակաօդային պաշտպանության համակարգեր, հավելյալ հրետանի և զինամթերք, հակամարտկոցային ռադարներ, լրացուցիչ սպառազինություն՝ արդեն իսկ Ուկրաինային փոխանցված համազարկային կրակի հրթիռային համակարգերի համար»,- ասել է Բայդենը։
Տաթև Ֆռանգյան
