27.02.2026 | 23:15
Իսրայելում ԱՄՆ դեսպանատունը թույլ է տվել իր աշխատակիցներին լքել երկիրը` Իրանին հնարավոր հարվածի ֆոնին
Ռուսական ավիաընկերությունները 2022 թվականի 1-ին եռամսյակում ռեկորդային կորուստներ են կրել
Քաղաքականություն
24.06.2022 | 16:55
Ռուսական ավիաընկերությունները 2022 թվականի առաջին եռամսյակում ռեկորդային՝ 61,1 միլիարդ ռուբլու ընդհանուր օպերացիոն կորուստ են կրել: Նման հաշվարկ է ներկայացրել Օդային տրանսպորտի օպերատորների ասոցիացիան (АЭВТ), փոխանցում է Ինտերֆաքսը։
«2022 թվականի 3 ամիսների ընթացքում բոլոր ավիաընկերությունների օպերացիոն գործողությունների միասնական կորուստը կազմել է 61,1 մլրդ ռուբլի (ուղևորատար ավիաընկերությունները՝ 52,5 մլրդ ռուբլի, բեռնափոխադրողները՝ 8,6 մլրդ ռուբլի)»,- այս մասին ասվում է Ասոցիացիայի նախագահ Վլադիմիր Տասունի զեկույցում։
2021 թվականին նշված ժամանակահատվածի ընդհանուր գործառնական վնասը գնահատվել է 33,3 միլիարդ ռուբլի, 2020 թվականի «համաճարակի» դեպքում՝ 55,5 միլիարդ ռուբլի:
«Այժմ դժվար է կանխատեսել, թե ապագայում որքանով կվատթարանա ավիաընկերությունների ֆինանսատնտեսական կայունությունը։ Մենք հուսով ենք, որ ինչպես Ռուսաստանի կառավարության, այնպես էլ հենց ավիաընկերությունների կողմից ձեռնարկված միջոցառումները կարճաժամկետ հեռանկարում կապահովեն ներքին օդային տրանսպորտի ոլորտի կայուն գործունեությունը»,- ասվում է Տասունի զեկույցում։
Տաթև Ֆռանգյան
