17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
ՆԱՏՕ-ն և G7-ի երկրները չպետք է Ուկրաինային դրդեն ՌԴ-ի հետ խաղաղության՝ ի հաշիվ տարածքային զիջումների․ Բորիս Ջոնսոն
Քաղաքականություն
24.06.2022 | 14:08
Մեծ Բրիտանիայի վարչապետ Բորիս Ջոնսոնը կարծում է, որ ՆԱՏՕ-ն և G7-ի երկրները չպետք է Ուկրաինային դրդեն Ռուսաստանի հետ խաղաղության կնքել՝ ի հաշիվ իր տարածքի մի մասի զիջման։ Այս մասին գրում է Ինտերֆաքսը՝ վկայակոչելով The Guardian-ը։
«Իմ ուղերձը G7-ի գործընկերներին և, մասնավորապես, ՆԱՏՕ-ին այսպես է հնչելու՝ հիմա ժամանակը չէ համաձայնել և խրախուսել ուկրաինացիներին գնալ վատ խաղաղության՝ հանուն խաղաղության, որի համար նրանց առաջարկում են հրաժարվել իրենց տարածքի մի մասից՝ կրակի դադարեցման համար։ Կարծում եմ՝ դա աղետ կլինի։ Դա կլինի խթան հետագա էսկալացիայի համար»,- ասել է Ջոնսոնը Ռուանդա այցի ժամանակ։
Նա նաև ասել է, որ հնարավոր է՝ մի շարք խոշոր արևմտյան տերություններ «հոգնել են Ուկրաինայից»։
Ջոնսոնի այս հայտարարությունները հնչում են Գերմանիայում կայանալիք G7-ի և Իսպանիայում նախանշված ՆԱՏՕ-ի գագաթնաժողովներից մի քանի օր առաջ։
Էմմա Չոբանյան
