06.11.2024 | 16:35
Օտարերկրացիների վեճն ավարտվել է մարմնական վնասվածքներով
G7-ի անդամները քննարկելու են համաշխարհային տնտեսությունից ՌԴ-ի մեկուսացումը մեծացնելու միջոցները․ Սպիտակ տուն
Քաղաքականություն
24.06.2022 | 15:52
Գերմանիայում կայանալիք գագաթնաժողովում G7-ի առաջնորդները քննարկելու են նոր միջոցները՝ ուղղված համաշխարհային տնտեսությունից Ռուսաստանի մեկուսացմանը և ռուսական պաշտպանական համալիրի մատակարարման շղթաների խաթարմանը։ Այս մասին հայտարարել է ԱՄՆ Ազգային անվտանգության խորհրդի ներկայացուցիչ Ջոն Քիրբին, գրում է swissinfo-ն։
«G7-ի համար այդ առաջնահերթությունների թվում են նոր պայմանավորվածությունները՝ ուղղված Ռուսաստանի մեկուսացմանը համաշխարհային տնտեսությունից, խոչընդոտների ստեղծումը ռուսական պաշտպանական ոլորտի մատակարարման շղթաների համար և ուժեղ միջոցներ ձեռնարկելու շարունակությունը՝ այդ աննախադեպ պատժամիջոցները շրջանցելու դեմ»,- ասել է Քիրբին Սպիտակ տանը ճեպազրույցի ընթացքում։
Նրա խոսքով՝ գագաթնաժողովի մասնակիցները նախատեսում են նաև նոր պայմանավորվածություններ ձեռք բերել աշխարհում էներգիայի և պարենային ապրանքների գների իջեցման ուղղությամբ։
Հավելենք, որ G7-ի առաջնորդների գագաթնաժողովը տեղի է ունենալու Գերմանիայում հունիսի 26-27-ը։
Էմմա Չոբանյան
