22.04.2026 | 22:33
Ովքեր են ԱԺԲ-ի ցանկում. հրապարակվել է ընտրությունների ընտրական ցուցակը
Խտրականության և ագրեսիայի փաստեր կան․ ՌԴ ԱԳՆ-ն հայտարարել է, որ Հունաստանն այլևս անվտանգ չէ ռուսների հանգստի համար
Քաղաքականություն
23.06.2022 | 18:33
Հունաստանն այլևս անվտանգ երկիր չէ Ռուսաստանի քաղաքացիների հանգստի համար, քանի որ ՌԴ ԱԳՆ-ն շարունակում է տեղեկություններ ստանալ ռուսների նկատմամբ խտրականության և ագրեսիայի փաստերի մասին: Այս մասին ՏԱՍՍ-ի հետ հարցազրույցում հայտարարել է ՌԴ ԱԳՆ Եվրոպական չորրորդ դեպարտամենտի տնօրեն Յուրի Ֆիլիպսոնը։
«Հույն պաշտոնյաների կողմից շարունակվող հակառուսական հռետորաբանության և ուկրաինական իրադարձությունների վերաբերյալ տեղական ԶԼՄ-ներում ապատեղեկատվության տարածման համատեքստում, իսկ ռուսական տեղեկատվական աղբյուրները վաղուց արգելափակված են, շարունակում են հաղորդումներ ստացվել ռուսների և ռուսալեզու քաղաքացիների նկատմամբ խտրականության և նույնիսկ ուղղակի ագրեսիայի փաստերի մասին»,- ասել է նա։
Ռուսաստանցի պաշտոնյան ասել է, որ ավելի ցայտուն դեպքերի մասին փաստեր կան ՌԴ ԱԳՆ վերջին զեկույցում։
«Եղել են ծեծի դեպքեր, այդ թվում՝ երեխաների, հարձակումներից հետո տուժածները հոսպիտալացվել են: Հունական բանկերը հաճախ ազատորեն են մեկնաբանում Եվրամիության կողմից ներդրված անօրինական սահմանափակող միջոցները, արգելափակում են ռուսաստանցիների հաշիվները՝ ազգության հիմունքով»,- ասել է նա:
Բացի այդ, դիվանագետը նաև հայտնել է, որ Աթենքում Ռուսաստանի դեսպանատուն և Սալոնիկում գլխավոր հյուպատոսություն ամեն օր ռուսների բողոքներ են ստացվում իրենց օրինական իրավունքների և շահերի խախտման վերաբերյալ։
Էմմա Չոբանյան
