06.11.2024 | 18:23
Թրամփի պաշտոնավարման երկրորդ ժամկետը սպառնալիք է մարդու իրավունքների համար ԱՄՆ-ում և աշխարհում․ HRW
ԱՄՆ Ֆինանսների փոխնախարարը Թուրքիայում զգուշացնում է՝ չօգնել ՌԴ-ին շրջանցել պատժամիջոցները
Քաղաքականություն
23.06.2022 | 16:31
ԱՄՆ ֆինանսների փոխնախարար Ուոլլի Ադեյեմոն ժամանելու է Անկարա, որտեղ հանդիպելու է Թուրքիայի Կենտրոնական բանկի ղեկավար Սահաբ Քավջիօղլուի և ֆինանսների նախարար Նուրեդդին Նեբաթիի հետ, գրում է AL-Monitor-ը։
Սպասվում է, որ Ադեյեմոն բարձրաձայնելու է Բայդենի վարչակազմի մտահոգությունները՝ կապված Թուրքիա ռուսական միջոցների և ակտիվների հոսքի հետ, Al-Monitor-ին հաստատել են դեյեմոյի օրակարգին ծանոթ երկու պաշտոնյաները, սակայն այլ մանրամասներ չեն ներկայացրել:
Ադեյեմոյի այցը հաջորդում է Արաբական Միացյալ Էմիրությունների բարձրաստիճան պաշտոնյաների հետ հանդիպումներին, որը նաև մեծ մագնիս է դարձել ռուս օլիգարխների համար, որոնք ձգտում են խուսափել պատժամիջոցներից՝ սահմանված Ուկրաինա Ռուսաստանի ներխուժման հետևանքով:
Ամերիկացի պաշտոնյան, որն անցյալ տարի ղեկավարել է պատժամիջոցների քաղաքականության գերատեսչական վերանայումը, նախկինում զգուշացրել է թուրքական և էմիրաթական ֆինանսական հաստատություններին հնարավոր հետևանքների մասին, եթե օգնեն Ռուսաստանին՝ շրջանցել սահմանափակումները։
Հավելենք, որ Թուրքիան հրաժարվում է ՌԴ-ի դեմ պատժամիջոցների կիրառումից, հակառակը՝ օգնում է երկիր տեղափոխել ռուսական բիզնեսը։
Էմմա Չոբանյան
