10.10.2026 | 12:57
Նավթի գներն աճել են
Մարիուպոլում 22,000 մարդ է զոհվել․ քաղաքապետ
22.06.2022 | 15:36
Ռուսական ներխուժումից ի վեր Մարիուպոլում զոհվել է 22,000 մարդ։ Այս մասին հայտարարել է Մարիուպոլի քաղաքապետ Վադիմ Բոյչենկոն, գրում է BBC-ի ռուսական ծառայությունը։
«Մեր թիվը զգուշավոր է, մենք կարողացել ենք հաշվել 22,000 խաղաղ բնակիչ, որոնք սպանվել են։ Սա բազմապատիկ ավելին է, քան նացիստական Գերմանիան արել է օկուպացիայի երկու տարիների ընթացքում»,- ճեպազրույցի ժամանակ ասել է Բոյչենկոն։
Նրա խոսքով՝ այդ գնահատականը զգուշավոր է, քանի որ ավերվածությունների մասշտաբը թույլ է տալիս ենթադրել, որ իրական թիվը կարող է ավելի մեծ լինել։
Նշենք, որ քաղաքը ներկայում գտնվում է Ռուսաստանի վերահսկողության տակ։
Էմմա Չոբանյան
