08.06.2026 | 11:41
426 մլրդ դրամով բարձր ՀՆԱ. տնտեսական աճը գերազանցել է բյուջեի կանխատեսումները. Հովհաննիսյան․ ՏԵՍԱՆՅՈՒԹ
Նշվել են ՆԱՏՕ-ի և G7-ի գագաթնաժողովների հիմնական նպատակները
Քաղաքականություն
22.06.2022 | 15:18
ՆԱՏՕ-ի և G7-ի առաջիկա գագաթնաժողովների ընթացքում բոլոր ռազմավարական նպատակները կապված են Ուկրաինայի պատերազմի հանգուցալուծման հետ։ Այս մասին հայտարարել է ԱՄՆ Պետական անվտանգության խորհրդի ռազմավարական հաղորդակցությունների համակարգող Ջոն Քիրբին։
Նրա խոսքով՝ առաջին նպատակն ԱՄՆ-ի կողմից ժողովրդավար, ինքնիշխան Ուկրաինային աջակցության ավելացումն է, ինչպես նաև ՌԴ-ին պատերազմի համար պատասխանատվության ենթարկելը։
Երկրորդ նպատակը համաշխարհային տնտեսության համար խաթարող ռիսկերի կառավարումն է, մասնավորապես՝ վառելիքի և պարենային ապրանքների գների աճի համատեքստում:
Երրորդ առանցքային նպատակն աշխարհի տեղեկատվական տեսլականի ստեղծումն է, որտեղ ժողովրդավարությունը կկարողանա իրացնել իր ներուժը և հաղթել ավտորիտար ու կոռումպացված մոտեցումներին:
Հիշեցնենք, որ ՆԱՏՕ-ի գլխավոր քարտուղար Յենս Ստոլտենբերգը Դաշինքի առաջիկա գագաթնաժողովը, որը տեղի կունենա հունիսի 28-30-ը Մադրիդում, անվանել է վերափոխումների գագաթնաժողով։
Տաթև Ֆռանգյան
