16.09.2026 | 23:05
Բաքուն ՀՀ-ի հետ կապերի մեջ մեղադրվող բանտարկված թալիշ ակտիվիստին 3 տարով կտեղափոխի խիստ ռեժիմի բանտ
ԲԴԽ-ն որոշում կընդունի Վարդազարյանի վերաբերյալ․ Ապարանի ոստիկանապետը հեռացվել է աշխատանքից․ Լուրեր
Քաղաքականություն
21.06.2022 | 13:17
- ՀՀ ՊՆ-ն հերքել է Ադրբեջանի ՊՆ տարածած հաղորդագրությունն այն մասին, թե այս գիշեր ՀՀ ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված ադրբեջանական դիրքերի ուղղությամբ։ ՀՀ ՊՆ-ից տեղեկացնում են, որ իրադրությունը հայ-ադրբեջանական սահմանին հարաբերականորեն կայուն է։
- Արցախի պետնախարար Արտակ Բեգլարյանը և ՄԻՊ Գեղամ Ստեփանյանը համատեղ հանդիպում են կազմակերպել տեղահանվածների ու փախստականների ներկայացուցիչների հետ։ Քննարկում է եղել նրանց զբաղվածության, սոցիալական ու բնակարանային հիմնախնդիրների, ներպետական ու միջազգային իրավական և այլ հարցերի շուրջ։
- ԲԴԽ-ում մեկնարկել է խորհրդի՝ լիազորությունները կասեցված նախագահ Ռուբեն Վարդազարյանին կարգապահական պատասխանատվության ենթարկելու վերաբերյալ միջնորդության քննությունը: Խորհրդի երեք անդամները հեռացել են խորհրդակցական սենյակ՝ որոշում ընդունելու։ Որոշումը կհրապարակվի երկու օրից։
- Ոստիկանության պետի հրամանով աշխատանքից ազատվել է ոստիկանության Ապարանի բաժնի պետ, ոստիկանության գնդապետ Աշոտ Հայրապետյանը։
Այս ժամի լուրերը՝ տեսանյութում։
