26.03.2026 | 10:10
ՀՀ-ն ԱՊՀ երկրների հետ կպայքարի մարդու իրավունքների համար․ նոր պայմանագիր է վավերացվում
Բորիս Ջոնսոնը վիրահատվել է
Քաղաքականություն
20.06.2022 | 22:31
Մեծ Բրիտանիայի վարչապետ Բորիս Ջոնսոնը Լոնդոնի հիվանդանոցներից մեկում քթի սինուսների վիրահատության է ենթարկվել, հայտնում է BBC-ն՝ Դաունինգ Սթրիթին հղումով։
Ըստ վարչապետի խոսնակի՝ Ջոնսոնն ընդհանուր անզգայացման տակ ենթարկվել է քթի սինուսների «փոքր սովորական վիրահատության»։ Բժշկական գործողությունը տեղի է ունեցել առավոտյան, այնուհետև վարչապետը վերադարձել է Դաունինգ Սթրիթ։
Բորիս Ջոնսոնի՝ աշխատանքի լիարժեք վերադարձը կախված կլինի նրա ինքնազգացողությունից։ Սակայն նշվում է, որ երեքշաբթի առավոտյան նախատեսված է նրա հանդիպումը նախարարների հետ, իսկ այս շաբաթվա վերջին նա կմեկնի Բրիտանական Համագործակցության ղեկավարների հանդիպմանը։
Մինչ Ջոնսոնի աշխատանքի վերադառնալը՝ նրա պարտականությունները ժամանակավորապես ստանձնել է նրա տեղակալ Դոմինիկ Ռաաբը։
Տաթև Ֆռանգյան
