08.06.2026 | 11:11
Ընտրությունների ընթացքում ստացվել է 619 ահազանգ, ձերբակալվել է 18 անձ․ ՆԳՆ
Ռուսական ավիացիան այնքան էլ պատրաստ չէ իրական պատերազմի․ Բրիտանական հետախուզություն
Քաղաքականություն
20.06.2022 | 13:02
Անցած հանգստյան օրերին ռուսական զորքերի ցամաքային և օդային գործողությունները նախկինի պես շարունակվել են Դոնբասի կենտրոնական շրջաններում։ Իր նոր տեղեկագրում Մեծ Բրիտանիայի Պաշտպանության նախարարությունը գնահատական է տալիս ռուսական ավիացայի գործողություններին, գրում է BBC-ի ռուսական ծառայությունը։
Նշվում է, որ մինչ օրս ՌԴ-ի ՌՕՈՒ-ն իրեն ավելի վատ է դրսևորել, քան սպասվում էր։ Օդային գործողությունների անհետևողականությունն ու անկայունությունը ռուսական ռազմական արշավի բավականին համեստ հաջողության ամենակարևոր գործոններից են։ Ռուսաստանը չի կարողանում հասնել օդում լիակատար գերազանցության ու գնում է ռիսկի՝ հազվադեպ թափանցելով ուկրաինական զորքերի խորը թիկունք։ Ռուսական ավիացիայի մի շարք խնդիրներ ցամաքային զորքերի առջև ծառացած դժվարությունների հետևանքն են։
Տարիների ընթացքում Ռուսաստանում մարտական պատրաստվածության մեծ մասը, ըստ երևույթին, անցկացվել է բարձրաստիճան պաշտոնյաների վրա տպավորություն թողնելու համար, այլ ոչ թե օդային անձնակազմի մարտական հմտությունները զարգացնելու: Անձնակազմերը սովոր չեն դինամիկ պայմաններում ինքնուրույն գործողությունների։
Մինչ Ռուսաստանն ունի ժամանակակից ռազմական ինքնաթիռների տպավորիչ ցուցակ, նրա օդուժի անձնակազմի պրոֆեսիոնալիզմը հարցեր է առաջացնում և չի համապատասխանում օդային գործողություններ իրականացնելու արևմտյան չափանիշներին:
Ըստ բրիտանական հետախուզության՝ դա բերել է նան, որ ցամաքային ուժերի վրա ընկել է ավելի շատ ծանրաբեռնվածություն, քան սպասվում էր։ Դրանք սպառվում են, թևավոր հրթիռների պաշարը, ըստ երևույթին, ևս սպառվում է։
Էմմա Չոբանյան
