08.06.2026 | 15:44
Պեսկովը հայտարարել է, թե Կրեմլն արձանագրում է Հայաստանում ընտրախախտումների մասին հաղորդագրությունները
Ուկրաինայի արևելքում կատաղի մարտերը շարունակվում են․ Զելենսկի
Քաղաքականություն
20.06.2022 | 11:54
Ուկրաինայի արևելքում կատաղի մարտերը շարունակվում են, Ուկրաինայի պաշտպանները իրականացնում են հիմնական կետերի պաշտպանությունը։ Այս մասին պատերազմի 116-րդ օրվա արդյունքներին հաջորդած տեսաուղերձում հայտարարել է Ուկրաինայի նախագահ Վլադիմիր Զելենսկին, փոխանցում է korrespondent-ը ։
«Դոնբասում շարունակվում են շատ թեժ մարտերը։ Ռուսական բանակն այնտեղ ավելի շատ հրետանի, ավելի շատ գրոհային ուժեր է կիրառում։ Բայց Սևերոդոնեցկը, Լիսիչանսկը, Ավդիեվկան, Կրասնոգորովկան և այլ թեժ կետեր դիմանում են: Մեր մարդիկ այդպիսին են՝ պահում են։ Մեր բանակը դիմանում է»,- ասել է պետության ղեկավարը և շնորհակալություն հայտնել Ուկրաինայի զինված ուժերին։
Զելենսկին նաև հայտնել է, որ ՌԴ-ն ուժեր է կուտակում Խարկովի ու Զապորոժիեի մարզերում, իսկ Ուկրաինայում վառելիքի հետ կապված իրավիճակը սրելու նպատակով վերսկսել են վառելիքի ենթակառուցվածքների գնդակոծումը։
«Անկասկած, դրան ևս կպատասխանենք»,- ընդգծել է նա։
Ավելի վաղ հաղորդվել է, որ ՌԴ-ն հարձակողական գործողություններ է իրականացնում Լուգանսկի շրջանի Սևերոդոնեցկ քաղաքի վրա լիակատար վերահսկողություն հաստատելու համար, սակայն ապարդյուն։ Մարտերը շարունակվում են։
Տաթև Ֆռանգյան
