16.09.2026 | 22:35
Եվրոպա լիգա. «Արարատ-Արմենիան» պարտությամբ մեկնարկեց հիմնական փուլում. ՏԵՍԱՆՅՈՒԹ
Ուկրաինայի տարածքում պատերազմը կարող է ձգվել տարիներ. Ստոլտենբերգ
Քաղաքականություն
20.06.2022 | 11:21
Ուկրաինայի տարածքում պատերազմը կարող է շարունակվել տարիներ․ Արևմուտքը չպետք է դադարեցնի ռազմական աջակցությունը Կիևին։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը Bild am Sonntag-ին տված հարցազրույցում։ Ըստ Ստոլտենբերգի՝ Ուկրաինական զորքերին ժամանակակից սպառազինության մատակարարումը կմեծացնի Դոնբասում ՌԴ-ի դեմ ռազմական հաջողություններ գրանցելու հավանականությունը։
«Մենք պետք է պատրաստ լինենք այն բանին, որ դրա համար տարիներ կպահանջվեն։ Մենք չպետք է դադարենք աջակցել Ուկրաինային, նույնիսկ եթե ծախսերը մեծ են, ոչ միայն ռազմական աջակցության, այլ նաև էներգիայի և սննդամթերքի թանկացման պատճառով: Դա չի կարող համեմատվել այն գնի հետ, որն ամեն օր ստիպված են վճարեն ուկրաինացիները՝ զոհելով բազմաթիվ մարդկային կյանքեր»,- ասել է Դաշինքի ղեկավարը։
Տաթև Ֆռանգյան
