08.06.2026 | 08:30
Ամփոփվել են 1924 ընտրատեղամասերից ստացված նախնական արդյունքները. ԿԸՀ
Եվրահանձնաժողովը հավանություն է տվել Ուկրաինային ԵՄ անդամության թեկնածուի կարգավիճակ տալուն
Քաղաքականություն
17.06.2022 | 14:54
Եվրահանձնաժողովը որոշում է ընդունել երաշխավորել՝ Ուկրաինային տալ ԵՄ անդամակցելու թեկնածու երկրի կարգավիճակ։ Այս մասին հայտնում է Bloomberg-ը՝ վկայակոչելով իր աղբյուրներին, գրում է Ինտերֆաքսը։
«Եվրահանձնաժողովը երաշխավորում է Ուկրաինային տալ անդամության թեկնածուի կարգավիճակ»,- ասվում է հրապարակման մեջ։
Լրատվամիջոցի աղբյուրների համաձայն՝ Եվրահանձնաժողովը հավանություն է տվել այդ քայլին՝ պայմանով, որ ապագայում Կիևը կկատարի իր պարտավորությունները օրենսդրության, դատական համակարգի և կոռուպցիայի դեմ պայքարի ոլորտներում։
Պաշտոնական հայտարարություն հանձնաժողովը դեռ չի արել։
Ուկրաինային անդամության թեկնածու երկրի կարգավիճակ տալու վերջնական որոշմանը պետք է հավանություն տան ԵՄ անդամ բոլոր 27 երկրները։
Էմմա Չոբանյան
