06.11.2024 | 19:28
ՀՀ գլխավոր դատախազը Հաագայում հանդիպել է Եվրաջասթի նախագահի հետ
ԱՄՆ Պետդեպը Չինաստանի դիրքորոշումն ուկրաինական պատերազմում չեզոք չի համարում
Քաղաքականություն
17.06.2022 | 14:36
ԱՄՆ-ը Չինաստանի դիրքորոշումը ռուս-ուկրաինական պատերազմում չի համարում չեզոք։ Այս մասին հայտարարել է ԱՄՆ Պետքարտուղարության խոսնակ Նեդ Փրայսը, գրում է Liga.net-ը։
«Մենք անհանգստացած ենք, որ Չինաստանը թեքվում է Ռուսաստանի կողմը։ Մենք ուշադրություն ենք դարձրել ՉԺՀ-ի հայտարարություններին, որ Չինաստանը չեզոք է: Բայց նրա պահվածքը, հռետորաբանությունը, նրա գործողությունները վկայում են ամեն ինչ մասին՝ չեզոքությունից բացի»,- ասել է Փրայսը:
Նա նշել է, որ Չինաստանի ռուսամետ դիրքորոշումը հակամարտության հենց սկզբից է նկատվում։ Փրայսը հիշեցրել է, որ փետվարի սկզբին, երբ Ռուսաստանն իր բանակը մոտեցրել էր Ուկրաինայի սահմաններին, Չինաստանը հայտարարեց Ռուսաստանի հետ ռազմավարական գործընկերության մասին։
«Ավելի քան երեք ամիս է անցել Ուկրաինա ռուսական ներխուժումից, և Չինաստանը դեռ Ռուսաստանի կողքին է՝ չնայած բոլոր վայրագություններին, չնայած բռնություններին և մարդկային կորուստներին, չնայած համաշխարհային հետևանքներին՝ ներառյալ պարենի դեֆիցիտը»,- ասել է Նեդ Փրայսը։
Էմմա Չոբանյան
