18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ԱՄՆ-ը չի ճնշի Ուկրաինային՝ տարածքային զիջումներ անել Ռուսաստանին․ Ջեյք Սալիվան
Քաղաքականություն
17.06.2022 | 13:42
ԱՄՆ նախագահի ազգային անվտանգության հարցերով խորհրդական Ջեյք Սալիվանը հայտարարել է, որ ԱՄՆ-ը չի ճնշում Ուկրաինային՝ Ռուսաստանին տարածքային զիջումներ անել ներխուժումը կանգնեցնելու համար՝ նշելով, որ դա միջազգային իրավունքի խախտում է, գրում է The Hill-ը։
«Մենք կենտրոնացած ենք այն բանի վրա, թե ինչ կարող ենք անել այսօր, վաղը, հաջորդ շաբաթ՝ հնարավորինս ուժեղացնելու ուկրաինացիների ձեռքը՝ սկզբում մարտի դաշտում, իսկ հետո, ի վերջո, բանակցությունների սեղանի շուրջ։ Մենք կարծում ենք, որ դա պետք է ավարտվի դիվանագիտական ճանապարհով»,- ասել է Սալիվանը՝ հավելելով, որ Կիևին չեն ճնշում տարածքային զիջումների հարցում։
«Մենք չենք պատրաստվում նրանց ստիպել՝ գնալ տարածքային զիջումների։ Մենք կարծում ենք, որ դա հակասում է միջազգային իրավունքին և ուղղակի, անկեղծ ասած, սխալ է։ Բայց մենք պատրաստվում ենք աջակցել ու նրանց հետ խորհրդակցել, թե ինչպես են ցանկանում մոտենալ ռուսների հետ բանակցությունների արդյունքին»,- ասել է Ջեյք Սալիվանը։
Հավելենք, որ ավելի վաղ էլ նախագահ Ջո Բայդենը տեղեկացրել էր Ուկրաինային լրացուցիչ 1 մլրդ դոլարի ռազմական օգնություն հատկացնելու մասին։
Էմմա Չոբանյան
