06.11.2024 | 19:06
Վարչապետի որոշմամբ Արմեն Հայրապետյանն ազատվել է ՍԱՏՄ ղեկավարի պաշոտնից
Եթե ԱՄՆ-ն անտեսեր Ուկրաինայի պատերազմը, Եվրոպայում քաոս կսկսվեր․ Պուտինը կշարունակեր ներխուժել այլ երկրներ․ Ջո Բայդեն
Քաղաքականություն
17.06.2022 | 12:53
Եթե Միացյալ Նահանգներն անտեսեր Ուկրաինայի պատերազմը և չաջակցեր Կիևին, «Եվրոպայում քաոս կսկսվեր, իսկ Ռուսաստանի նախագահ Վլադիմիր Պուտինը կշարունակեր ներխուժել այլ երկրներ»։ Այս մասին ասել է ԱՄՆ նախագահ Ջո Բայդենը AP-ին տված հարցազրույցում։
«Ես Միացյալ Նահանգների նախագահն եմ։ Խոսքն իմ քաղաքական գոյատևման մասին չէ։ Խոսքն այն մասին է, թե ինչն է լավագույնը ԱՄՆ-ի համար։ Առանց կատակի։ Ի՞նչ տեղի կունենա, եթե ամենագլխավոր ուժը՝ ՆԱՏՕ-ն, աչքերը փակի ռուսական ագրեսիայի դեմ, այն փաստի, որ հարյուր հազարանոց բանակը կհատի սահմանը՝ փորձելով օկուպացնել ու ոչնչացնել մի ամբողջ ժողովրդի մշակույթը։ Ի՞նչ կլիներ այդ ժամանակ»,- ասել է Բայդենը։
«Վախենամ՝ հաջորդը, որ մենք կտեսնեինք, կլիներ քաոսը Եվրոպայում։ Դուք կտեսնեիք, որ նրանք առաջ կշարժվեին։ Ի՞նչ տեղի կունենար Լեհաստանում, Չեխիայում ու ՆԱՏՕ-ի անդամ այլ երկրներում։ Ի՞նչ կմտածեր Չինաստանը Թայվանի մասին, ի՞նչ կմտածեր ԿԺԴՀ-ն միջուկային զենքի մասին»,- հավելել է ԱՄՆ նախագահը։
Բայդենը հիշեցրել է, որ Ուկրաինային օգնության ու ընդդեմ ՌԴ-ի պատժամիջոցներ կիրառելու մասին որոշում ընդունելուց նա նախազգուշացրել է, որ այդ ամենի համար վճարել է պետք։
«Դա անվճար չէ, բայց անգործության հետևանքներն ավելի վատ կլինեին»,- ասել է նախագահը՝ պատասխանելով ԱՄՆ-ում գների բարձրացման մասին հարցին։
«Դուք ինձ հարցնում եք, թե ինչ կասեի Ամերիկայի ժողովրդին, ես կասեի, որ ամբողջ կյանքում եղել եմ արտաքին քաղաքականության մեջ, համոզված եմ, որ եթե թույլ տանք Պուտինին ավելի հեռուն գնալ, նա կանգ չի առնելու»,- եզրափակել է Բայդենը։
Տաթև Ֆռանգյան
