16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
«Գազպրոմ»-ը զգալիորեն կրճատել է «Հյուսիսային հոսք» գազատարով Եվրոպա գազի մատակարարումները
Քաղաքականություն
16.06.2022 | 23:12
Ռուսական «Գազպրոմը» զգալիորեն կրճատել է «Հյուսիսային հոսք» գազատարով Գերմանիա գազի մատակարարումը, գրում է DW-ի ռուսական ծառայությունը։
Հունիսի 16-ին ժամը 06.00-ին մղման ժամային ծավալը կազմել է մոտ 2,6 մլն խմ (29 մլն կվտ/ժ), 08.00-ից մինչև 09.00-ն (09.00-10.00 Մոսկվայի ժամանակով) այդ ցուցանիշը հասել է 2,7 մլն խմ-ի ( 30 մլն կիլովատժամ), պարզվում է մոնիթորինգի համակարգից։ Օրական ծավալը հաշվարկելիս, հաշվի առնելով այս տվյալները, վերին շեմը կազմում է 64,8 մլն խմ։
Մինչ այդ՝ հունիսի 14-ին, «Գազպրոմը» հայտարարել էր, որ ավելի քան 40 տոկոսով կրճատելու է մատակարարումները Գերմանիա։ Ենթադրվում էր, որ այն պետք է լիներ օրական ընդամենը մոտ 100 մլն խմ՝ սովորական 167 մլն խմ ծավալի փոխարեն։
Գերմանիայից բացի՝ Ռուսաստանից գազի ծավալների կրճատման մասին հայտնել են Չեխիան և Ավստրիան, ինչպես նաև Ֆրանսիան։ Չեխական CEZ էներգետիկ ընկերության ներկայացուցիչը նշել է, որ սահմանափակումները պայմանավորված են տեխնիկական խնդիրներով: Իր հերթին, ավստրիական նավթագազային OMV ընկերության աշխատակիցը նշել է, որ «Գազպրոմը» տեղեկացրել է մատակարարման նոր իրավիճակի մասին։
Հիշեցնենք, որ Ուկրաինայի դեմ պատերազմի պատճառով արևմտյան պատժամիջոցների սահմանումից հետո ՌԴ նախագահ Վլադիմիր Պուտինը «Գազպրոմին» հրամայեց «անբարյացակամ» երկրների ընկերություններից գազի դիմաց վճարումներ ընդունել միայն ռուբլով։
Էմմա Չոբանյան
