26.11.2024 | 12:57
Խնջույք ֆիննախի համար՝ նախարարի առանձնատանը գործող «Վարդենի» հյուրատանը. ՓՊ-ն՝ FactorTV-ի հոդվածի հետքերով. ՏԵՍԱՆՅՈՒԹ
Էրդողանի գլխավորած կուսակցությանը ընտրություններում չի հաջողվի ստանալ երիտասարդության քվեն․ հետազոտություն
Քաղաքականություն
15.06.2022 | 23:30
Թուրքիայի նախագահ Ռեջեփ Թայիփ Էրդողանի գլխավորած «Արդարություն և զարգացում» կուսակցությանը չի հաջողվում ստանալ երկրի երիտասարդության ձայները։ Այս մասին հայտարարել է MAK Consulting ընկերության ղեկավար Ալի Կուլաթը, գրում է Ահվալ գործակալությունը։
Ըստ նրա՝ Թուրքիայում կառավարության քաղաքականությունից դժգոհ են հատկապես 18-30 տարեկանները։
«Նույնիսկ ԱԶԿ-ի որոշ ղեկավարների երեխաները չեն քվեարկի կուսակցության օգտին»,-ասել է Կուլաթը հարցազրույցում։
Էրդողանին սպասվում են նախագահական և խորհրդարանական ընտրություններ մինչև հաջորդ տարվա հունիս՝ հանրային աջակցության անկման պայմաններում։ Թուրքիայի նախագահի տնտեսության կառավարումը հարված է հասցրել նրա կառավարության ժողովրդականությանը:
«Ես դեռ չեմ հանդիպել մեկին, ով նախկինում չէր քվեարկել ԱԶԿ-ի օգտին, բայց մտածում է քվեարկել նրա օգտին այս ընտրություններում»,-ասել է Կուլաթը՝նշելով, որ հատուկ աշխատում է երիտասարդ ընտրողների հետ։
Նա նշել է, որ արվարձաններում մարդիկ այնքան էլ երջանիկ չեն։ Հստակ կարելի զգալ ձայների կորուստը մարդկանց մեկ երրորդի մոտ, որոնք նախկինում քվեարկել են ԱԶԿ-ի օգտին։ Կուլաթը նշել է, որ MAK-ի հարցումները Թուրքիան բաժանում են ութ շրջանների՝ յոթ աշխարհագրական շրջանների և Ստամբուլի։ Ըստ այդմ էլ՝ ԱԶԿ-ն չի կարողանում առաջատար դիրք գրավել որևէ տարածաշրջանում 18-29 տարեկան ընտրողների շրջանում:
«Երիտասարդների կարծիքով՝ ԱԶԿ-ի քաղաքականությունը բավարար չէ»,- ասել է նա։
Հավելենք, որ Թուրքիայում 1980-ից 1999 թվականներին ծնվածները կազմում են ընտրողների 32,6 տոկոսը՝մոտ 18,4 միլիոն մարդ։
Էմմա Չոբանյան
