28.07.2026 | 15:10
Թուրքիան նորոգում է Գյումրի տանող երկաթուղային հատվածը // Կամո Արեյանի գործը դատարանում է․ ԼՈՒՐԵՐ
Թուրքիան, Ռուսաստանը և Ուկրաինան հաղորդակցման ալիք են ստեղծել «հացահատիկի խնդրի» առնչությամբ
Քաղաքականություն
15.06.2022 | 23:04
Թուրքիան, Ռուսաստանն ու Ուկրաինան ձևավորել են պաշտպանության նախարարությունների բաց կապ հացահատիկային խնդիրը կարգավորելու համար։ Այս մասին հայտնում է Ռիա Նովոստին՝թուրքական TRT Haber-ին հղումով։
Լրատվամիջոցը գրում է, որ մինչ ստեղծված իրավիճակը բացասական ազդեցություն ունի տարբեր աշխարհագրական տարածաշրջանների երկրների վրա, խնդրի լուծման համար նոր քայլ է արվել։ Թուրքիայի պաշտպանության նախարար Հուլուսի Աքարի գլխավորությամբ ձևավորվել է հաղորդակցության բաց ալիք՝ հարցն ավելի մանրամասն ուսումնասիրելու համար։
«Մենք ցանկանում ենք որքան հնարավոր է շուտ ավարտել աշխատանքը: Մենք ունենք ինտենսիվ բանակցային գործընթաց, ինչպես Ռուսաստանի, այնպես էլ՝ Ուկրաինայի հետ: Երկու կողմերն էլ որոշակի վերապահումներ ունեն: Մենք նաև աշխատում ենք միջանկյալ խոչընդոտների վերացման ուղղությամբ: Հուսով ենք, որ այդպես կլինի»,-ասել է Աքարը։
Կողմերը շարունակում են բանակցել ուկրաինական հացահատիկի մատկարարման ապահովման համար։
Էմմա Չոբանյան
