28.07.2026 | 17:08
Դատախազությունն ընթացք է տվել Աննա Հակոբյանի հրապարակմանը
Հայկական Շուշիում Ադրբեջանի և Թուրքիայի պաշտոնյաների մասնակցությամբ համաժողով է անցկացվում՝ նվիրված «Շուշիի հռչակագրի» ստորագրման տարելիցին
Քաղաքականություն
15.06.2022 | 13:32
Արցախի գրավյալ հայկական Շուշի քաղաքում «Թուրք-ադրբեջանական ռազմավարական դաշնակցային հարաբերությունները՝ խաղաղության և կայունության աղբյուր Կովկասի և տարածաշրջանի համար» խորագրով համաժողով է անցկացվում՝ նվիրված, այսպես կոչված, «Շուշիի հռչակագրի» ստորագրման առաջին տարելիցին։
Ադրբեջանական լրատվամիջոցների հաղորդմամբ՝ միջոցառմանը մասնակցում են Թուրքիայի և Ադրբեջանի կառավարությունների անդամներ ու պաշտոնյաներ, ինչպես նաև երկու երկրների իշխող կուսակցությունների ներկայացուցիչներ։
Միջոցառման ընթացքում անցկացվում են պանելային քննարկումներ Շուշիի հռչակագրից բխող հարցերի շուրջ։ Բացի այդ, ներկայացվել է նաև Ադրբեջանի նախագահ Իլհամ Ալիևի ուղերձը միջոցառման մասնակիցներին։
Հավելենք, որ այս համաժողովին մասնակցելու համար Թուքիայից ներկայացուցչական պատվիրակություն է ժամանել։ Մասնավորապես, միջոցառմանը մասնակցում են Թուրքիայի նախկին վարչապետ, իշխող «Արդարություն և զարգացում» կուսակցության փոխնախագահ Բինալի Յըլդըրըմը, գյուղատնտեսության և անտառային տնտեսության նախարար Վահիտ Քիրիշչին, մշակույթի և տուրիզմի նախարար Մեհմեդ Նուրի Էրսոյը, «Ազգայնական շարժում» կուսակցության (MHP) գլխավոր քարտուղար Իսմայիլ Բոյուքաթամանը։
Հիշեցնենք, որ «Շուշիի հռչակագիրը» ստորագրվել է 2021 թվականի հունիսի 15-ին Ադրբեջանի ու Թուրքիայի նախագահների կողմից։
Էմմա Չոբանյան
