18.12.2025 | 11:41
Նման տեղերից մարդկանց պետք է էվակուացնենք. Փաշինյանը` հատակագծից դուրս կառուցված տների մասին․ ՏԵՍԱՆՅՈՒԹ
Վայոց ձորի մարզային հիվանդանոցի և Մարտունու ԲԿ-ի կառուցման աշխատանքները շարունակվում են
13.06.2022 | 11:26
ՀՀ ԱՆ «Առողջապահական ծրագրերի իրականացման գրասենյակ» պետական հիմնարկի տնօրեն Երվանդ Էլիբեկյանը, շինարարական բաժնի աշխատակիցները, հեղինակային և տեխնիկական հսկողություն իրականացնող ընկերությունների մասնագետները, կապալառու կազմակերպության ներկայացուցիչները հերթական անգամ այցելել են Մարտունու բժշկական կենտրոնի և Վայոց ձորի մարզային հիվանդանոցի կառուցման շինհրապարակներ` աշխատանքների ընթացքը և որակը գնահատելու նպատակով. տեղեկացնում են ՀՀ ԱՆ-ից։
«Մարտունու ԲԿ-ում ավարտին են հասցվել երկաթբետոնե հիմնակմախքի կառուցման աշխատանքները։ Իրականացվում են արտաքին երեսպատման, ներքին հարդարման, բարեկարգման, արտաքին և ներքին ինժեներական ցանցերի կառուցման և այլ աշխատանքներ։
Ընթացքի մեջ են Վայոց ձորի մարզային հիվանդանոցի նկուղի և առաջին հարկի երկաթբետոնե հիմնակմախքների բետոնացման աշխատանքները, ինչպես նաև կաթսայատան ծածկի սալի շինարարական աշխատանքները։
Կապալառու կազմակերպության պատասխանատուներին տրվել են հանձնարարականներ՝ իրականացվելիք աշխատանքները որակով և ժամկետներում ավարտելու վերաբերյալ»,- ասված է հաղորդագրությունում։
