01.11.2024 | 23:19
Հրդեհ Գյումրու տներից մեկում
Գործնական նպատակով Հայաստան եկած զբոսաշրջիկների թիվն աճել է 5 անգամ․ Վիճակագրական կոմիտեն տվյալներ է ներկայացրել
Տնտեսություն
10.06.2022 | 18:11
Այս տարվա հունվար-մարտ ամիսներին Հայաստան եկած զբոսաշրջիկները գրեթե եռապատկվել է։ Այս մասին տեղեկանում ենք Վիճակագրական կոմիտեի հրապարակած տվյալներից։
2021 թվականի հունվար-մարտ ամիսներին Հայաստան է այցելել ավելի քան 86 հազար զբոսաշրջիկ, իսկ 2022 թվականի նույն ժամանակահատվածում Հայաստան եկած զբոսաշրջիկները շուրջ 249 հազար են եղել։
Նրանցից շուրջ 100 հազարը տեղավորվել է հյուրանոցներում, իսկ 150 հազարը՝ բարեկամների, հարազատների տանը կամ վարձակալած բնակարաններում։
Այդ նույն ժամանակահատվածում Հայաստանից մեկնել է շուրջ 143 հազար զբոսաշրջիկ, ինչը 3,2 անգամ ավելի է նախորդ տարվա նույն ժամանակահատվածում մեկնածների թվից։
Զբոսաշրջիկների 37 %-ը Հայաստան է այցելել գործնական նպատակով։ Այսպիսով՝ գործնական նպատակով Հայաստան եկածների թիվն ավելացել է շուրջ 5 անգամ։ 46,9 %-ը եկել է հանգստի նպատակով։ Այստեղ նախորդ տարվա համեմատ աճը կազմում է շուրջ 8,5 անգամ։
ԱՊՀ երկրներից այցերի թիվն աճել է 6,2 անգամ։ Մասնավորապես՝ Ռուսաստանից եկողների թիվն աճել է 7 անգամ, Ուկրաինայից եկողներինը՝ 2,2 անգամ։ ԵՄ երկրներից այցելուների թիվը նույնպես աճել է շուրջ 4,6 անգամ։
