20.11.2024 | 13:13
Երբ Լալա Քոչարին ասում էի՝ ո՞ւր են նկարները, ասեց՝ ունե՞ս թուղթ, որ դրանք քոնն են, Պեպոն հիշեցի․ Ռուբեն Քոչար․ ՏԵՍԱՆՅՈՒԹ
Գործադիրը հստակեցնում է կառուցապատման նպատակով հողամասերի և ճարտարապետահատակագծային առաջադրանքների տրամադրման կարգը
10.06.2022 | 17:34
«Քաղաքաշինության մասին» օրենքով սահմանված է, որ 2024 թ. հունվարի 1-ից չի թույլատրվելու առանց սահմանված կարգով հաստատված համայնքի քաղաքաշինական ծրագրային փաստաթղթերի, կառուցապատման նպատակներով հողամասերի եւ ճարտարապետահատակագծային առաջադրանքների տրամադրումը` նպատակ ունենալով մինչեւ 2024 թ. բոլոր համայնքներն ապահովել գլխավոր հատակագծերով․ տեղեկացնում են ՀՀ ԱԺ-ից։
«Կառավարության օրենսդրական նախաձեռնությամբ հստակեցվում է սահմանված կարգով հաստատված, ինչպես նաեւ առանց սահմանված կարգի հաստատված համայնքի քաղաքաշինական ծրագրային փաստաթղթերի, կառուցապատման նպատակներով հողամասերի եւ ճարտարապետահատակագծային առաջադրանքների տրամադրման կարգը:
Լրամշակվում են որոշ հոդվածներ. դրանք համապատասխանեցվում են քաղաքաշինական բնագավառի ռազմավարական մարտահրավերների պահանջներին:
Գործադիրը նաեւ հստակեցնում է քաղաքաշինական գործունեության համար առանձնացված հատուկ կարգավորման օբյեկտների ցանկը` ներառելով միջպետական եւ հանրապետական նշանակության ավտոմոբիլային ճանապարհների հարակից տարածքները:
««Քաղաքաշինության մասին» օրենքում փոփոխություններ եւ լրացում կատարելու մասին» օրենքի նախագիծն առաջին ընթերցմամբ քննարկվել է ԱԺ տնտեսական հարցերի մշտական հանձնաժողովի հունիսի 10-ի նիստում: Նախաձեռնությունը ներկայացրել է ՀՀ քաղաքաշինության կոմիտեի նախագահի տեղակալ Նունե Պետրոսյանը:
Հանձնաժողովը հավանություն է տվել նախագծին:
Երկրորդ ընթերցմամբ քննարկվել է եւ դրական եզրակացություն ստացել Կառավարության հեղինակած «Վարչական իրավախախտումների վերաբերյալ Հայաստանի Հանրապետության օրենսգրքում լրացում կատարելու մասին» եւ ««Թանկարժեք մետաղների մասին» ՀՀ օրենքում փոփոխություններ կատարելու մասին» օրինագծերի փաթեթը:
Մինչեւ երկամսյա ժամկետով հետաձգվել է Կառավարության հեղինակած ««Մայլեռե ներդրումային ծրագրի շրջանակում «Մայլեռ Մաունթայն Ռեզորթ» փակ բաժնետիրական ընկերությանը խաղատան լիցենզիա տրամադրելու մասին» եւ ««Շահումով խաղերի, ինտերնետ շահումով խաղերի եւ խաղատների մասին» ՀՀ օրենքում լրացում կատարելու մասին» օրինագծերի փաթեթի քննարկումը»,- ասված է հաղորդագրությունում։
