20.11.2024 | 15:16
Էստոնիան հանձնառու է աջակցել Հայաստանին ԵՄ-ի հետ հարաբերությունների սերտացման հարցում․ դեսպանը՝ Ռուբինյանին
Եվրահանձնաժողովը կառաջարկի Ուկրաինային ԵՄ թեկնածուի կարգավիճակ տալ, սակայն որոշ երկրներ դեմ են․ Bloomberg
Քաղաքականություն
10.06.2022 | 12:12
Bloomberg գործակալությունը, վկայակոչելով իր աղբյուրներին, հայտնում է, որ Եվրահանձնաժողովը հաջորդ շաբաթվա սկզբին պաշտոնապես կառաջարկի Ուկրաինային տալ ԵՄ անդամ թեկնածու երկրի կարգավիճակ, սակայն դա լինելու է Կիևի նկատմամբ որոշակի պայմանների ու պահանջների առաջադրմամբ, մասնավորապես, կոռուպցիայի ու օրենքի գերակայության ապահովման առումով, գրում է BBC-ի ռուսական ծառայությունը։
Գործակալությունը հիշեցնում է, որ Եվրահանձնաժողովի երաշխավորումը կարևոր փուլ է, սակայն կարգավիճակի վերաբերյալ որոշումը կայացնելու են ԵՄ երկրների ղեկավարները, և այդ երկրներից մի քանիսը, մասնավորապես, Նիդեռլանդները և Դանիան, կարծում են, որ Ուկրաինան պատրաստ չէ։ Հունիսի 23-24-ը կայանալիք ԵՄ գագաթնաժողովում կքննարկվի Ուկրաինային թեկնածուի կարգավիճակ տրամադրելու հարցը։
Լրատվամիջոցի տվյալներով՝ ԵՄ երկրների մեծամասնությունը, այդ թվում՝ Բալթյան երկրները, Լեհաստանն ու Իտալիան կողմ են Ուկրաինային բարոյապես աջակցելուն ու կարգավիճակ տալուն։ Գերմանիան, ըստ Bloomberg-ի, առաջարկում է պայմանական կարգավիճակ տալ որոշակի պահանջների կատարման խոստումով։
Ուկրաինայի փոխվարչապետ Օլգա Ստեֆանիշինան նախօրեին լրագրողներին ասել է, որ կարգավիճակի տրամադրմանը դեմ են երեք երկիր, սակայն կոնկրետ երկրերի մասին է խոսքը՝ նա հրաժարվել է նշել։
Էմմա Չոբանյան
