19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Թուրքական զորքերը Սիրիայի Հալեպ նահանգում 16 բնակավայր են հրետակոծել․ ԶԼՄ-ներ
Քաղաքականություն
09.06.2022 | 15:02
Սիրիայում Հալեպից հյուսիս գտնվող առնվազն 16 բնակավայր հայտնվել է թուրքական զորքերի ու սիրիական զինված ընդդիմության հրետակոծության թիրախում։ Այս մասին հայտնում է Firat գործակալությունը, որին վկայակոչում է ՏԱՍՍ-ը։
«Թուրքական հրետանին ծանր զինատեսակներից և ականանետերից 455 արկ է արձակել Մանբիջ և Աշ-Շեհբա շրջանների գյուղերի ուղղությամբ, նյութական վնաս է հասցվել խաղաղ բնակչության տներին և գյուղական բնակավայրերին»,- հայտնել է Մանբիջի պաշտպանության ռազմական խորհուրդը։
Նշվում է, որ թուրքամետ զինված խմբավորումները հարձակվել են տեղի զինյալների դիրքերի վրա ու երեք փորձ կատարել՝ գրավելու Մանբիջից հյուսիս գտնվող Էլ-Մոհսենլի բնակավայրը։
«Դիմադրության ուժերի մարտիկները հակահարված են տվել հակառակորդին և կորուստներ պատճառել վարձկան ստորաբաժանումներին»,- ասվում է հաղորդագրությունում։
Հավելենք, որ Թուրքիայի իշխանությունները հայտարարել են Սիրիայում նոր ռազմական հարձակում սկսելու մասին, որի նպատակը 30 կմ-անոց «անվտանգության գոտի» ստեղծելն է։
Էմմա Չոբանյան
