06.11.2024 | 20:18
Ադրբեջանի ռազմածովային ուժերը մարտավարական զորավարժություններ են անցկացրել
ՆԱՏՕ-ն անցկացնում է ՀՕՊ համակարգերի փորձարկման ամենախոշոր զորավարժությունը
Քաղաքականություն
09.06.2022 | 15:47
ՆԱՏՕ-ի հազարավոր զինծառայողներ մասնակցում են հակաօդային և հակահրթիռային պաշտպանության համակարգերի փորձարկման ամենախոշոր զորավարժություններին՝ այն մտավախությունների ֆոնին, որ Ուկրաինայում պատերազմը կարող է տարածվել այլ տարածքների վրա։ Այս մասին գրում է բրիտանական Times թերթը, որին վկայակոչում է BBC-ի ռուսական ծառայությունը։
ՆԱՏՕ-ի մոտ 3000 զինծառայող 17 անդամ երկրից մասնակցում է Լեհաստանում, Լիտվայում, Լատվիայում և Էստոնիայում «Ռամշտայնի ժառանգությունը» զորավարժություններին ինքնաթիռների, հակահրթիռային պաշտպանության համակարգերի և ռադիոէլեկտրոնային պայքարի միջոցների կիրառմամբ։
Ընդհանուր առմամբ, 50 կործանիչներ և այլ մարտական ինքնաթիռներ են թռել ամբողջ Եվրոպայի բազաներից, զորավարժություններում ներգրավված են ցամաքային օդային և հակահրթիռային պաշտպանության 17 համակարգեր:
Մինչ զորավարժությունների շրջանակում թշնամական ինքնաթիռները թռչում են Լեհաստանի և Բալթյան երկրների վրայով, ՆԱՏՕ-ի պաշտպանության նախարարներն Իսլանդիայում քննարկել են Ուկրաինայում տիրող իրավիճակը։
Էմմա Չոբանյան
