22.04.2026 | 23:30
ՀՀ տարածքում ավտոճանապարհները հիմնականում անցանելի են
Լավրովը նշել է Պուտինի և Զելենսկիի հանդիպման պայմանը
Քաղաքականություն
08.06.2022 | 15:01
ՌԴ-ի և Ուկրաինայի նախագահների հանդիպման հնարավորություն կլինի միայն Մոսկվայի և Կիևի միջև բանակցային գործընթացի վերսկսումից հետո։ Այս մասին Անկարայում հայտարարել է ՌԴ ԱԳ նախարար Սերգեյ Լավրովը իր թուրք գործընկեր Մևլութ Չավուշօղլուի հետ մամուլի ասուլիսում, գրում է ՏԱՍՍ-ը։
«Ելնում ենք նրանից, որ սկզբում պետք է բանակցային թիմերը վերսկսեն աշխատանքը»,- ասել է Լավրովը։
Նա հայտարարել է, թե Ուկրաինայի նախագահ Վլադիմիր Զելենսկին «անլուրջ մոտեցում ունի ՌԴ-ի հետ բանակցությունների նկատմամբ»։
«Զելենսկին ցանկանում է հանդիպում՝ զուտ հանդիպման համար։ Նա բազմիցս հայտարարել է՝ «բանակցությունները կվերականգնենք, եթե ռուսներն իրենց զորքերը դուրս բերեն փետրվարի 24-ի գիծ»։ Դա բացարձակապես անլուրջ մոտեցում է, ավելին, դա լիովին հակասում է այն նախաձեռնություններին, որոնք ուկրաինական պատվիրակությունն ինքն է առաջ քաշել մարտի 29-ին այստեղ՝ Ստամբուլում»,- ասել է Լավրովը։
Նա նշել է, որ ապրիլի կեսերից Ուկրաինան պատասխան չի տվել Կիևի հետ համաձայնագրերի նախագծերի ռուսական տարբերակին։
«Գնդակն ուկրաինացիների կողմում է, արդեն երկու ամիս՝ ապրիլի կեսերից, երբ նրանք մեր առաջ փոխեցին իրենց իսկ սեփական մոտեցումները, որոնք պատրաստ էինք հիմք ընդունել, բայց նրանք հրաժարվեցին մեկ օր անց։ Այնուամենայնիվ, շփումները շարունակվել են և ապրիլի կեսերին նրանց ներկայացվել է համաձայնագրի նախագծի հերթական տարբերակի մեր տեսլականը։ Եվ դրանից հետո մենք ոչ մի արձագանք չենք ստացել»,- եզրափակել է Լավրովը։
Էմմա Չոբանյան
