06.11.2024 | 22:44
Թուրքերի մեծամասնությունը դեմ է նոր Սահմանադրությանն ու կողմ արտահերթ ընտրություններին
Համաշխարհային բանկն Ուկրաինային ևս 1,5 մլրդ դոլար կհատկացնի
Քաղաքականություն
08.06.2022 | 14:35
Ուկրաինայի դեմ Ռուսաստանի շարունակվող պատերազմի պատճառով Համաշխարհային բանկը Կիևին կտրամադրի լրացուցիչ 1,49 միլիարդ դոլար։ Այս մասին հայտնել է կազմակերպության ղեկավար Դեյվիդ Մալպասը, գրում է DW-ի ռուսական ծառայությունը։
Նրա խոսքով՝ միջոցները նախատեսված են քաղծառայողների և սոցիալական աշխատողների աշխատավարձերի վճարման համար։ ՀԲ կայքում հրապարակված հաղորդագրության համաձայն՝ ծրագիրը ստացել է Մեծ Բրիտանիայի, Նիդեռլանդների, Լիտվայի և Լատվիայի ֆինանսական երաշխիքները։ Բացի այդ, կազմակերպությունից հայտնել են Իտալիայի կողմից զուգահեռ ֆինանսավորման մասին։
Այսպիսով, Համաշխարհային բանկի օգնության փաթեթն Ուկրաինայի տնտեսությանը կգերազանցի 4 մլրդ դոլարը, որից Կիևն արդեն ստացել է մոտ կեսը։
Էմմա Չոբանյան
