19.12.2025 | 17:29
Արագածոտնի մարզի Շամիրամ համայնքին կվերադարձվի 13.7 հա մակերեսով հողատարածք. Դատախազության հայցը բավարարվել է
Թուրքիան 10 պայման է առաջադրել Շվեդիային և Ֆինլանդիային` ՆԱՏՕ-ին անդամակցելու վետոն վերացնելու համար
Քաղաքականություն
08.06.2022 | 13:33
Թուրքիան կվերացնի ՆԱՏՕ-ին Շվեդիայի և Ֆինլանդիայի անդամակցության իր վետոն, եթե այս երկրները կատարեն Անկարայի 10 պայմանները։ Այս մասին գրել է թուրքական Yeni Safak-ը, որին վկայակոչում է BBC-ի ռուսական ծառայությունը։
Շվեդիայից և Ֆինլանդիայից Թուրքիայի հիմնական պահանջներից է՝ հրաժարվել աջակցել Քուրդիստանի աշխատավորական կուսակցությանը և տարածաշրջանի այլ կազմակերպություններին, որոնք Անկարան համարում է ահաբեկչական։ Թուրքիան պահանջում է Հելսինկիից ու Ստոկհոլմից համալիր պայքար ահաբեկչության դեմ, ներառյալ՝ այդ կազմակերպությունների հետ շփումների դադարեցումը, նրանց ակտիվների սառեցումը և այդ երկրներում քրդերի ցույցերի արգելումը։
Բացի այդ, Անկարան նաև պահանջում է հետախուզական տեղեկատվության փոխանակում և Թուրքիայի հետ կապված պաշտպանական արդյունաբերության սահմանափակումների վերացում։
Հիշեցնենք, որ մայիսին Ֆինլանդիան և Շվեդիան ՆԱՏՕ-ին անդամակցելու դիմումներ են ներկայացրել։ Սակայն Թուրքիան հայտարարում է, որ դեմ է նրանց անդամակցությանը, քանի որ նրանք աջակցում են «քուրդ ահաբեկիչներին»։
Էմմա Չոբանյան
