26.11.2024 | 16:47
Ի պատիվ Լեհաստանի նախագահ Անջեյ Դուդայի նախագահ Վահագն Խաչատուրյանի անունից տրվել է պաշտոնական ճաշ
ԵՄ-ն հավանություն է տվել Ռուսաստանի դեմ պատժամիջոցների 6-րդ փաթեթին․ սահմանափակումներ կան նաև Բելառուսի նկատմամբ
Քաղաքականություն
03.06.2022 | 13:17
Եվրամիությունը պաշտոնապես հաստատել է պատժամիջոցների վեցերորդ փաթեթը՝ կապված Ուկրաինա Ռուսաստանի ներխուժման հետ, գրում է BBC-ի ռուսական ծառայությունը։
«Մենք խստացնում ենք սահմանափակումները, որոնք ազդում են պատերազմը ֆինանսավորելու՝ Կրեմլի կարողության վրա, սահմանելով նոր տնտեսական պատժամիջոցներ: Մենք արգելում ենք ռուսական նավթի ներմուծումը ԵՄ՝ դրանով իսկ կրճատելով Ռուսաստանի համար եկամտի հսկայական աղբյուրը: Մենք ավելի շատ առանցքային ռուսական բանկեր ենք անջատում SWIFT միջազգային վճարային համակարգից: Մենք նաև պատժամիջոցներ ենք սահմանում Բուչայում և Մարիուպոլում զանգվածային սպանությունների մեղավորների նկատմամբ, պատժամիջոցներ ենք կիրառում նաև նախագահ Պուտինի ռազմական քարոզչությանն ակտիվորեն նպաստող ապատեղեկատվություն տարածողների նկատմամբ»,- ասել է եվրոպական դիվանագիտության ղեկավար Ժոզեպ Բորելը:
ԵՄ նոր պատժամիջոցների փաթեթում, մասնավորապես, ներառվել են հետևյալ սահմանափակող միջոցները․
- ԵՄ-ն արգելել է Ռուսաստանից հում նավթի և որոշ նավթամթերքի գնումն ու ներմուծումը ԵՄ։ Ռուսական նավթից փուլային հրաժարումը կտևի մինչև 6 ամիս, այլ վերամշակված արտադրանքի համար՝ 8 ամիս: Ժամանակավոր բացառություն է նախատեսվում խողովակաշարով հում նավթի ներմուծումը ԵՄ անդամ այն երկրներ, որոնք «իրենց աշխարհագրական դիրքի պատճառով տառապում են Ռուսաստանից մատակարարումներից հատուկ կախվածությունից և չունեն կենսունակ այլընտրանքային տարբերակներ»,
- Սբերբանկը, Մոսկվայի վարկային բանկը, Ռոսսելխոզբանկն ու Բելառուսի Զարգացման և վերակառուցման բանկն անջատվում են SWIFT-ից,
- ԵՄ-ն դադարեցնում է ռուսական երեք պետական հեռուստաալիքների՝ «РТР-Планета»-ի, «Россия-24»-ի և «Международный ТВ-Центр»-ի հեռարձակումը,
- ԵՄ-ն ընդլայնում է այն անձանց և կազմակերպությունների ցանկը, որոնց վերաբերում են երկակի նշանակության ապրանքների և տեխնոլոգիաների արտահանման սահմանափակումները։ Ցուցակում նման լրացումները ներառում են ինչպես ռուսական, այնպես էլ բելառուսական կազմակերպություններ;
- Բացի այդ, ԵՄ-ն արգելել է Ռուսաստանում հաշվապահական և PR ծառայությունների մատուցումը, ինչպես նաև անհատական պատժամիջոցներ է սահմանել ֆիզիկական և իրավաբանական անձանց դեմ, այդ թվում՝ նրանց, որոնք «պատասխանատու են Բուչայում և Մարիուպոլում ռուսական զորքերի վայրագությունների համար» և «աջակում են պատերազմին»։ Նրանց ցանկը կհրապարակվի ավելի ուշ։
