18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ուկրաինան հայտնել է ռուսական կողմի ռազմական հանցագործությունների՝ ավելի քան 600 ենթադրյալ մասնակցի ինքնությունը բացահայտելու մասին
Քաղաքականություն
31.05.2022 | 20:57
Ուկրաինայի գլխավոր դատախազ Իրինա Վենեդիկտովան հայտարարել է, որ բացահայտել են ռուսական ռազմական հանցագործություններին ենթադրաբար մասնակցած ավելի քան 600 կասկածյալների ինքնությունը և սկսել հետապնդել նրանցից շուրջ 80-ին, գրում է CNN-ը։
Վենեդիկտովան խոսել է Միջազգային քրեական դատարանի դատախազ Քարիմ Խանի և այլ գործընկերների հետ Հաագայում կայացած հանդիպումից հետո, որի ընթացքում քննարկվել են Ուկրաինայում ենթադրյալ ռազմական հանցագործությունների հետաքննությունը:
Նա նշել է, որ կասկածյալների թվում են ՌԴ բարձրաստիճան զինվորականներ, քաղաքական գործիչներ և քարոզչության գործակալներ։ Ըստ նրա՝ հետաքննությունը բարդացել է, քանի որ մարտերը դեռ շարունակվում են։
Էստոնիան, Լատվիան և Սլովակիան ևս միացել են Ուկրաինայում կասկածվող ռազմական հանցագործությունները հետաքննող միջազգային թիմին, որն ի սկզբանե ստեղծվել էր Ուկրաինայի, Լիտվայի և Լեհաստանի կողմից մարտի 21-ին։
Էմմա Չոբանյան
