16.09.2026 | 20:06
Աշխատակիցներին սպառնում են աշխատանքից ազատել քաղաքական հայացքների պատճառով. «Անկախ դիտորդ»-ը ահազանգում է
Ուկրաինայի մարդու իրավունքների պաշտպանը պաշտոնանկ է արվել
Քաղաքականություն
31.05.2022 | 19:50
Ուկրաինայի Գերագույն ռադան Լյուդմիլա Դենիսովային ազատել է մարդու իրավունքների հանձնակատարի պաշտոնից։ Այս մասին Telegram-ում հայտնել է պատգամավոր Յարոսլավ Ժելեզնյակը, փոխանցում է korrespondent-ը։
«Ռադան Լյուդմիլա Դենիսովային ազատել է Մարդու իրավունքների պաշտպանի պաշտոնից, կողմ է քվեարկել 234 պատգամավոր»,- գրել է Ժելեզնյակը։
Նա նաև նշել է, որ այսօր նոր օմբուդսմենի թեկնածության հարցով քվեարկություն չի եղել։
Նախօրեին լրատվամիջոցները հայտնել էին, որ խորհրդարանում ստորագրություններ են հավաքում Լյուդմիլա Դենիսովային պաշտոնանկ անելու համար։ Միաժամանակ, նշվել են օմբուդսմենի չորս հնարավոր թեկնածուների անունները։ Իսկ այսօր հայտնի դարձավ, որ ՄԻՊ-ին աշխատանքից ազատելու համար անհրաժեշտ թվով ստորագրություններն արդեն հավաքվել են։
Ռադայի «Ժողովրդի ծառա» խմբակցությունը որոշել է աշխատանքից Դենիսովային ազատել պաշտոնից՝ ռուսական լայնածավալ ներխուժման մեկնարկից հետո պարտականությունները ոչ պատշաճ կատարելու համար: Պատգամավորները կարծում են, որ Դենիսովայի «անհասկանալի կենտրոնացումը» զավթիչների սեռական հանցագործությունների վրա միայն «վնասել է Ուկրաինային»։
Իր հերթին, Դենիսովան նախօրեին ապօրինի է որակել իրեն պաշտոնանկ անելու նախաձեռնությունը:
Տաթև Ֆռանգյան
