28.07.2026 | 20:43
Իսրայելի պաշտպանության նախարարը զգուշացրել է Էրդողանին
ՌԴ-ն խոստացել է ապաշրջափակել ուկրաինական նավահանգիստները՝ առանց պատժամիջոցների չեղարկման
Քաղաքականություն
31.05.2022 | 17:18
ՌԴ ԱԳ նախարար Սերգեյ Լավրովը հայտարարել է, որ Մոսկվան պատրաստ է հացահատիկի նավերը բաց թողնել Միջերկրական ծով՝ առանց պատժամիջոցները չեղարկելու, գրում է Korrespondent-ը։
«Եթե Կիևը լուծի նավահանգիստների ականազերծման խնդիրը, ապա Ռուսաստանի ռազմածովային ուժերը կապահովեն հացահատիկով նավերի անխոչընդոտ անցումը Միջերկրական ծով և հետագա ուղղություններ»,- ասել է նա։
Միաժամանակ, Լավրովը դժգոհել է բազմաթիվ երկրների կողմից ռուսական նավերի համար նավահանգիստները փակելու որոշումից։
Նշենք, որ ավելի վաղ Ռուսաստանի Դաշնությունում, ականազերծումից բացի, ուկրաինական նավահանգիստների ապաշրջափակման համար պայման էր դրվել Ուկրաինայում պատերազմի պատճառով Մոսկվայի դեմ սահմանված պատժամիջոցների չեղարկումը։
Տաթև Ֆռանգյան
