08.06.2026 | 15:59
Ֆրանսիական կործանիչներն առաջին ԱԹՍ են խոցել Լատվիայի օդային տարածքում․ ևս մեկ դրոն մտել է Մոլդովայի տարածք ու պայթել
ԵՄ-ն չի նախատեսում ռուսական գազի մատակարարումների էմբարգո սահմանել
Քաղաքականություն
31.05.2022 | 15:30
Եվրամիությունը չի նախատեսում ռուսական գազի մատակարարումների արգելք սահմանել։ Այս մասին հայտարարել է Ավստրիայի կանցլեր Կառլ Նեհամերը, գրում է Korrespondent-ը։
«Գազային էմբարգոն հաջորդ պատժամիջոցների փաթեթի առարկա չի լինի»,- ասել է նա։
Իր հերթին, Բելգիայի վարչապետ Ալեքսանդր դե Կրոուն ասել է, որ ԵՄ-ն պետք է ընդմիջում վերցնի Ռուսաստանի դեմ նոր պատժամիջոցներ սահմանելու հարցում։
«Բելգիայի տեսանկյունից վերջին փաթեթը մեծ առաջընթաց է, և ես կարծում եմ, որ առայժմ պետք է դադար տանք: Թող այս փաթեթը գործի: Ռուսաստանի վրա նավթի էմբարգոյի ազդեցությունը շատ ավելի մեծ է, քան գազի դեպքում: Գազի ճանապարհը շատ ավելի բարդ է»,- ասել է նա։
Պաշտոնյան նշել է, որ նավթային էմբարգոյի ներդրումը ողջ ԵՄ-ի հաղթանակն էր, որին ոչ ոք չէր հավատում։
Հիշեցնենք, որ ԵՄ առաջնորդները նախօրեին փոխզիջման են հասել ռուսական նավթի ներկրման արգելքի հարցում։ Էմբարգոն կանդրադառնա ռուսական նավթի ներմուծման 90%-ի վրա մինչև այս տարվա վերջ։ Մնացած 10 կամ 11%-ը գնում է «Դրուժբա» խողովակաշարի հարավային ճյուղով դեպի Հունգարիա, Սլովակիա և Չեխիա: Այս երկրների համար ժամանակավոր բացառություն է սահմանվել։
Տաթև Ֆռանգյան
